અંજલિ ખાંડવાળા

અંજલિ ખાંડવાળા (૧૯૪૦ ― ૧૧ એપ્રિલ ૨૦૧૯) એ ગુજરાતી ભાષાના ટૂંકી વાર્તા લેખક અને ગાયક હતા.

અંજલિ ખાંડવાળા
વ્યવસાય	બાળસાહિત્ય લેખક

તેઓ વેનિઅર કોલેજ, મોન્ટ્રીઅલ, કેનેડામાં ૧૯૭૦ થી ૧૯૭૫ સુધી અધ્યાપક હતા. તેઓ ૧૯૭૫માં અમદાવાદ આવ્યા અને ત્યાં જ વસી ગયા.

સર્જન

લીલો છોકરો તેમનો કિશોર વાર્તાસંગ્રહ છે. અન્ય વાર્તાસંગ્રહ આંખની ઇમારત (૧૯૮૮)માં પંદર ટૂંકી વાર્તાઓ છે. આ વાર્તાઓ પરિસ્થિતિ, તેનું વર્ણન અને લાગણીઓ માટે ધ્યાન ખેંચે છે. ઘૂંઘટ કે પટ ખોલ તેમનો બીજો નવલિકાસંગ્રહ છે જે ખૂબ વખણાયેલો. સંગ્રહમાં "ચાંદલાનો વ્યાપ" અને "શક્તિપાત" જેવી નારીકેન્દ્રી વાર્તાઓ છે.

૨૦૧૯માં તેમના મૃત્યુ બાદ ત્રીજો વાર્તાસંગ્રહ અરીસામાં યાત્રા પ્રકાશિત થયો.

આ પણ જુઓ

• અંજલિ ખાંડવાળા શ્રેષ્ઠ પ્રથમ વાર્તાસંગ્રહ પારિતોષિક