કી ગોમ્પા (બૌદ્ધ મઠ)

કી ગોમ્પા (બૌદ્ધ મઠ) (અંગ્રેજી: KYE) ભારત દેશના ઉત્તર ભાગમાં આવેલ હિમાચલ પ્રદેશ રાજ્યના લાહૌલ અને સ્પિતી જિલ્લાના કાજાથી આશરે ૧૨ કિલોમીટર અંતરે આવેલ છે. આ મઠની સ્થાપના ૧૩મી સદી થઈ હતી. આ સ્પિતી વિસ્તારનો સૌથી મોટો મઠ છે. આ મઠ દૂરથી લેહ સ્થિત થિક્સે મઠ જેવો લાગે છે. આ મઠ દરિયાઈ સપાટીથી ૧૩,૫૦૪ ફીટ જેટલી ઉંચાઈ પર એક શંકુ આકારના વિશાળ ખડક પર બાંધવામાં આવેલ છે. સ્થાનિક લોકો માને છે કે આનું નિર્માણ રિંગછેન સંગપો દ્વારા કરાવવામાં આવ્યું હતું. આ મઠ મહાયાન બૌદ્ધના જેલૂપા સંપ્રદાય સાથે સંબંધિત છે. આ મઠ ખાતે ૧૯મી સદીમાં શીખ અને ડોગરા શાસકોએ આક્રમણ પણ કર્યું હતું. આ ઉપરાંત તે ઇ.સ. ૧૯૭૫ ના વર્ષમાં આવેલ ધરતીકંપ પછી પણ સલામત રહ્યો છે. આ મઠ ખાતે કેટલોક પ્રાચીન હસ્તપ્રતો અને થંગકાસનો સંગ્રહ છે. આ ઉપરાંત અહીં કેટલાક શસ્ત્રો પણ રાખવામાં આવેલ છે. અહીં દર વર્ષે જૂન-જુલાઈ મહિનામાં 'ચામ ઉત્સવ' ઉજવવામાં આવે છે.

કી ગોમ્પા (બૌદ્ધ મઠ)
કી ગોમ્પા
ધર્મ
જોડાણ	બૌદ્ધ
જિલ્લો	લાહૌલ અને સ્પિતી
દેવી-દેવતા	બુદ્ધ
તહેવાર	ચામ ઉત્સવ
સ્થાન
સ્થાન	કાજા થી ૧૨ કિલોમીટર અંતરે
રાજ્ય	હિમાચલ પ્રદેશ
દેશ	ભારત
હિમાચલ પ્રદેશના નક્શામાં સ્થાન
અક્ષાંશ-રેખાંશ	32°17′51.84″N 78°00′43.17″E
સ્થાપત્ય
સ્થાપત્ય પ્રકાર	બૌદ્ધ મઠ
સ્થાપત્ય શૈલી	તિબેટિયન શૈલી
પૂર્ણ તારીખ	૧૩મી સદી

ઈ. સ. ૨૦૦૦ના 'કાલચક્ર અભિષેક'નું આયોજન આ મઠ ખાતે કરવામાં આવ્યું હતું, જેમાં સ્વયં દલાઈ લામા દ્વારા પૂજા-અર્ચના કરવામાં આવી હતી.

• 
  કી ગોમ્પા
• 
  કી ગોમ્પા, સ્પિતી ખીણ, હિમાચલ પ્રદેશ

બાહ્ય કડીઓ

• Key Monastery પ્રવાસન માહિતી વિકિવોયજ પર