ધ્રંગ (તા. લખપત)

ધ્રંગ (તા. લખપત) ભારતના ગુજરાત રાજ્યના કચ્છ જિલ્લાના લખપત તાલુકામાં આવેલું એક નાનું ગામ છે. ધ્રંગ ગામ પાકિસ્તાનની સરહદ પર આવેલું છે. નજીકમાં લોડાઇ નામનું ગામ આવેલું છે. આ ગામના લોકોનો મુખ્ય વ્યવસાય ખેતી, ખેતમજૂરી, નોકરી તેમ જ પશુપાલન છે. આ ગામમાં મુખ્યત્વે મગ , તલ, બાજરી, જુવાર, રજકો તેમ જ અન્ય શાકભાજીના પાકની ખેતી કરવામાં આવે છે. આ ગામમાં પ્રાથમિક શાળા, પંચાયતઘર, આંગણવાડી તેમ જ દૂધની ડેરી જેવી સવલતો પ્રાપ્ય થયેલી છે.

ધ્રંગ (તા. લખપત)
—  ગામ  —
ધ્રંગ (તા. લખપત)  ધ્રંગ (તા. લખપત)નું ગુજરાત અને ભારતમાં સ્થાન
અક્ષાંશ-રેખાંશ	23°49′34″N 68°46′31″E
દેશ	ભારત
રાજ્ય	ગુજરાત
જિલ્લો	કચ્છ
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)
કોડ • વાહન • GJ-12

જોવાલાયક સ્થળો

આ ગામમાં સંત મેકણ દાદાની સમાધિ આવેલી છે જેઓ તેમના પાંચ શિષ્યો અને પ્રાણી મિત્રો લાલિયો નામનો ગર્દભ અને મોતિયો નામનો શ્વાન માટે જાણીતા છે. મેકાણ દાદાની યાદમાં દર વર્ષે હિંદુ પંચાગના માહ મહિનામાં (ફેબ્રુઆરી-માર્ચ) અહીં મેળો યોજાય છે, જે મહાશિવરાત્રિના દિવસે પૂરો થાય છે. આ મેળો સદીઓથી ચાલ્યો આવે છે અને હવે તેને ગુજરાત સરકાર દ્વારા પ્રોત્સાહિત કરવામાં આવે છે.

મેળા દરમિયાન ગુજરાત અને રાજસ્થાનના લોકો મેકણ દાદાની સમાધિની મુલાકાત લે છે. મુખ્યત્વે આહિર લોકો મેકણ દાદાને ભગવાનની જેમ પૂજે છે. મેકણ દાદા કાપડી જ્ઞાતિના હતા અને આ તેમના અનુયાયીઓમાં મુખ્યત્વે કાપડી જ્ઞાતિના લોકો છે જેઓ મંદિર પરિસર અને અખાડા (જે મેકણ દાદાનો અખાડો કહેવાય છે)નું સંચાલન કરે છે. મિસ્ત્રી અને રબારી જ્ઞાતિના લોકો પણ તેમના અનુયાયીઓ છે. તેમનું મંદિર મિસ્ત્રી જ્ઞાતિના લોકો દ્વારા કચ્છના રાજવીના દાન હેઠળ બાંધવામાં આવ્યું હતું. રાવ દેશલજી બીજા મેકણ દાદાના અનુયાયી હતા. આ પરિસરમાં મેકણ દાદાના પ્રથમ પાંચ શિષ્યોમાંના કાનજી મિસ્ત્રીની સમાધિ પણ આવેલી છે.

લખપત તાલુકાના ગામ અને ભૌગોલિક સ્થાન

અકરી અમીયા અશાલડી (સુજા વંધ) અટડો બૈયાવા બાણા બરંદા ભાડરા મોટા ભાડરા નાના ભુધા (બુધા) ભુજપર બિટ્ટીયારી ચકરાઈ ચામરા છેર મોટી છેર નાની છુગેર દયાપર દેદરાણી ડેણમા ધારેશી ધ્રંગ ધુણાય દોલતપર એકલીયું ફતેહપર ફુલરા ઘડુલી ગોધાતડ ગુગરીયાણા ગુહર મોટી ગુહર નાની ગુનાઉ ગુનેરી હમનખુડી હરોડા હરૂડી ઝારા જાડવા જુલરાઈ જુમરા જુણાચાય જુણાગીયા કૈયારી કણધોરા કનેર કનોજ કપુરાસી કરણપુર ખડક ખણોટ ખારઈ ખારોડા ખટીયા ખેંગારપર ખીરસરા (ગુનાઉ) કોરીયાણી કોટડા કોટેશ્વર કુન્રી લાખાપર લખમીરાણી લખપત કોટ લખપત માલડા મણીયારા માતાનો મઢ મેધપર મીંઢીયારી મોરી મુધાન મુડીયા મુંધવાય મો૨દજબાણ નરા નારાયણ સરોવર નરેડી નરેડો પખો પાનધ્રો પીપર પ્રાણપર પુનરાજપુર રમાણીયા રતીપર રવારેશ્વર રોડાસર લક્કી સંભાડા સામજીયારા સારણ મોટી સારણ નાની સયારા શેહ શીણાપર સીયોત સુભાષપર (સનાનધ્રો) સુજા વાંઢ ટહેરા ઉખેર ઉમરસર વીરાણી

બાહ્ય કડીઓ

• ધ્રંગ મેળો