પારડી તાલુકો

પારડી તાલુકો ભારત દેશના પશ્ચિમ ભાગમાં આવેલા ગુજરાત રાજ્યના દક્ષિણ ભાગમાં આવેલા વલસાડ જિલ્લાના કુલ ૫ (પાંચ) તાલુકાઓ પૈકીનો એક એવો મહત્વનો તાલુકો છે. પારડી આ તાલુકાનું મુખ્ય મથક છે.

પારડી તાલુકો
—  તાલુકો  —
અક્ષાંશ-રેખાંશ
દેશ	ભારત
રાજ્ય	ગુજરાત
જિલ્લો	વલસાડ
વસ્તી	૧,૮૫,૩૯૨ (૨૦૧૧)
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)

પાર નદી, કોલક નદી અને દમણગંગા નદી આ તાલુકાની મુખ્ય નદીઓ છે. આ તાલુકાના મુખ્ય મથક પારડી ખાતેથી રાષ્ટ્રીય ધોરી માર્ગ નં. ૮ તેમ જ અમદાવાદ અને મુંબઈને જોડતી રેલવેલાઈન પસાર થતી હોવાને કારણે ઔદ્યોગિક વિકાસ સારા પ્રમાણમાં જોવા મળે છે. રાજ્ય સરકારના મહેસૂલ વિભાગના તા. ૯ સપ્ટેબર ર૦૧૩નાં જાહેરનામા અનુસાર પારડી તાલુકાના ૮૧ ગામોમાંથી ર૮ ગામોને છુટા પાડીને વાપી તાલુકો રચવામાં આવતાં પારડી તાલુકાનાં કુલ ગામોની સંખ્યા ૫૩ની થઈ. આ જ રીતે વર્ષ ર૦૧૧ની વસ્તી ગણતરી અનુસાર તત્કાલિન પારડી તાલુકાની વસ્તી ૪,૯૩,૦૮૪ની હતી, જેમાંથી ૩,૦૭,૬૯૨ની વસ્તી ધરાવતાં ૨૮ ગામો (વાપીના શહેરી વિસ્તાર સહિત) નવરચિત વાપી તાલુકામાં ખસેડાતાં પારડીની વસ્તી ૧,૮૫,૩૯૨ની રહી.

પારડી તાલુકામાં આવેલાં ગામો

પારડી તાલુકાનાં ગામ અને તાલુકાનું ભૌગોલીક સ્થાન

અંબાચ અરનાલા આમળી આસમા ઉદવાડા ઉમરસાડી ઓરવાડ કચવાલ કલસર કીકરલા કુંભારીયા કોલક ખડકી ખુંટેજ ખેરલાવ ગોઈમા ચીવલ ટુકવાડા ડહેલી ડુંગરી ડુમલાવ તરમાલીયા તીઘરા દસવાડા ધગડમાળ નાનાવાઘછીપા નીમખલ નેવરી પંચલાઈ પરવાસા પરીયા પલસાણા પાટી પારડી બગવાડા બરઈ બાલદા બોરલાઈ મોટાવાઘછીપા મોતીવાડા રાબડી રેંટલાવ રોહીણા લખમાપોર વરઈ વેલપરવા સામરપાડા સારણ સારોધી સુખલાવ સુખેશ સોંઢલવાડા સોનવાડા

બાહ્ય કડીઓ

• પારડી તાલુકા પંચાયતની વેબસાઇટ