કો-તક-ઇન
કો-તક-ઇન (English:Kōtoku-in) (Japanese:高徳院) એ જાપાનના કાનાગાવા રાજ્યના કામાકુરા નગરમાં આવેલ જોદો-શુ સંપ્રદાયનું બૌદ્ધ મંદિર છે.
આ મંદિર તેના "વિશાળ બુદ્ધ" અર્થાત "દાઈબુત્સુ"(大仏 Daibutsu?), જે એક કાંસાની વિશાળ અમિતાભ બુદ્ધની પ્રતિમા છે, માટે જાણીતું છે. ખુલ્લા પરિસરમાં આવેલી આ પ્રતિમા જાપાનના સૌથી જાણીતા ચિહ્નોમાંની એક છે.
વિશાળ બુદ્ધ પ્રતિમા ફેરફાર કરો
કામાકુરાની આ વિશાળ બુદ્ધ પ્રતિમા એ ખુલ્લા પરિસરમાં આવેલી કાંસાની અમિતાભ બુદ્ધની પ્રતિમા છે. કો-તક-ઇન મંદિર ખાતે આવેલી આ પ્રતિમા મંદિરના સુત્રો મુજબ ૧૨૫૨માં બાંધવામાં આવેલી હોવાનું મનાય છે. આ પ્રતિમા પૂર્વે અહી વિશાળ લાકડાની પ્રતિમા હતી જેને દસ વરસની મેહનતે ૧૨૪૩માં પૂર્ણ કરવામાં આવી હતી. તે માટેની ધનરાશિ ઇનાડા-નો-ત્સુબોને નામની સ્ત્રી અને જોકો નામના બૌદ્ધ સાધુ દ્વારા ઊભી કવામાં આવી હતી. ૧૨૪૮માં આવેલા વાવાઝોડાથી આ પ્રતિમા અને તે જે વિશાળ ખંડમાં હતી તે બંને નાશ પામ્યા. આથી જોકો એ કાંસાની પ્રતિમા અને નવો વિશાળ ખંડ બાંધવાની જાહેરાત કરી અને નવી ધનરાશિ ઊભી કરી.[૧] નવી કાંસાની પ્રતિમા ઓનો ગોરેમોન[૨] અથવા તાનજી હિસાતોમો[૩] ઘડવામાં આવેલી હશે.[૪] એક સમયે આ પ્રતિમા સોનાનો ઢોળ ચઢાવેલ હશે કારણકે પ્રતિમાના કાન પાસે આજે પણ કેટલાક સોનાના નિશાન છે.[૫]
નવી પ્રતિમા જેમાં હતી તે નવો ખંડ ૧૩૩૪માં આવેલ વાવાઝોડામાં નાશ પામ્યો. ફરી બનાવેલો ખંડ ૧૩૬૯ના વાવાઝોડામાં નાશ પામ્યો અને ફરી નવો ખંડ બાંધવામાં આવ્યો.[૧] અંતિમ ખંડ પણ ૨૦ સપ્ટેંબર૧૪૯૮ના સુનામીમાં નાશ પામ્યો.[૬] ત્યારથી આ પ્રતિમા ખુલ્લા પરિસરમાં જ છે.[૬]
નીચેના આસન સાથે આ પ્રતિમાની ઊંચાઈ ૧૩.૩૫ મીટર (૪૩.૮ ફીટ) છે[૭] જયારે અંદાજીત વજન ૯૩ ટન છે. પ્રતિમા અંદરથી પોલી છે અને મુલાકાતી અંદર જઈ શકે છે.[૮] એક સમયે પ્રતિમાના આસનને ૩૨ કાંસાના બનેલા કમળદલ હતા જેમાંથી માત્ર ચાર જ બચ્યા છે અને તે પણ તેના સ્થાને નથી.[૯] મંદિરના પરિસરના દરવાજે લખેલ છે, ''હે અપરિચિત, તારી કળા જે હોય તે અને તારો ધર્મ પણ જે હોય તે, આ અભયારણ્યમાં પ્રવેશતા પૂર્વે એ યાદ રાખજે કે તું જે સ્થળે દાખલ થઇ રહ્યો છે તે સદીઓની પૂજા દ્વારા પવિત્ર થયેલું છે. આ બુદ્ધનું મંદિર અને શાશ્વત દ્વાર છે અને તેથી આદરપૂર્વક અંદર પ્રવેશ કરજે."[૧૦]
૧૯૨૩ના ભૂકંપમાં પ્રતિમાના આસનને નુકશાન થયેલું ૧૯૨૫માં સમારકામ કરવામાં આવ્યું.[૧] ૧૯૬૦-૧૯૬૧માં પ્રતિમાનું સમારકામ કરવામાં આવ્યું જે અંતર્ગત પ્રતિમાના ગળાની મજબૂતાઈ વધારવામાં આવી અને તેને ભૂકંપથી બચાવવાની વ્યવસ્થા પણ કરવામાં આવી.[૧]
વિગત ફેરફાર કરો
- વજન: 121 tonnes (267,000 pounds)[૧૧]
- ઊંચાઈ: 13.35 metres (43.8 ft)
- ચહેરાની લંબાઈ: 2.35 metres (7 ft 9 in)
- આંખની લંબાઈ: 1.0 metre (3 ft 3 in)
- મુખની લંબાઈ: 0.82 metres (2 ft 8 in)
- કાનની લંબાઈ: 1.90 metres (6 ft 3 in)
- ઢીંચણથી ઢીંચણની લંબાઈ: 9.10 metres (29.9 ft)
- અંગુઠાનો વ્યાસ: 0.85 metres (2 ft 9 in)
રૂડ્યાર્ડ કિપલિંગની કવિતા ફેરફાર કરો
રૂડ્યાર્ડ કિપલિંગની નવલકથા કિમ (૧૯૦૧) ના શરૂઆતના પ્રકરણોની પેહલા આ પ્રતિમાનો ઉલ્લેખ કરતી કવિતાઓ છે. આ કવિતાઓ લેખકે ૧૮૯૨માં આ પ્રતિમાની મુલાકાત લીધા બાદ લખેલી હતી.[૧૨] આ કવિતા સંપૂર્ણપણે ધ ફાઈવ નેશન (૧૯૦૩) માં છાપવામાં આવેલી છે.[૧૨]
સંદર્ભ ફેરફાર કરો
- ↑ ૧.૦ ૧.૧ ૧.૨ ૧.૩ Takao Sato (સંપાદક). Daibutsu: The Great Buddha of Kamakura. Hobundo. પૃષ્ઠ 7.
- ↑ Frédéric, Louis.
- ↑ Kate Tsubata (May 25, 2008). "The Great Buddha at Kamakura". The Washington Times. Italic or bold markup not allowed in:
|publisher=(મદદ) - ↑ The New Official Guide, Japan[૧] Japan Travel Bureau (1975) p.404
- ↑ "Kotoku-in (The Great Buddha)". Kamakura Today. 2002. Italic or bold markup not allowed in:
|publisher=(મદદ) - ↑ ૬.૦ ૬.૧ Tsuji, Yoshinobu (1983). "Study on the Earthquake and the Tsunami of September 20, 1498". માં Iida, Kumiji; Iwasaki, Toshio (સંપાદકો). Tsunamis: Their Science and Engineering, Proceedings of the International Tsunami Symposium, 1981. Tokyo: Terra Scientific Publishing (Terrapub). પૃષ્ઠ 185–204. ISBN 90-277-1611-0.
- ↑ "An Overview of the Great Buddha" Kotoku-in Official Website.
- ↑ Takao Sato (સંપાદક). Daibutsu: The Great Buddha of Kamakura. Hobundo. પૃષ્ઠ 14.
- ↑ Takao Sato (સંપાદક). Daibutsu: The Great Buddha of Kamakura. Hobundo. પૃષ્ઠ 16.
- ↑ Takao Sato (સંપાદક). Daibutsu: The Great Buddha of Kamakura. Hobundo. પૃષ્ઠ 18.
- ↑ "Information about Daibutsu onsite". મૂળ માંથી 2012-06-30 પર સંગ્રહિત. મેળવેલ 2015-11-08.
- ↑ ૧૨.૦ ૧૨.૧ Rudyard Kipling, "The Buddha at Kamakura".
બાહ્ય કડીઓ ફેરફાર કરો
- અંગ્રેજી વેબસાઈટ સંગ્રહિત ૨૦૧૦-૧૨-૦૩ ના રોજ વેબેક મશિન (in English)
- કમાકુરા ટુડેની વેબસાઈટ પર સંગ્રહિત ૨૦૧૨-૦૬-૦૭ ના રોજ વેબેક મશિન
Coordinates: 35°19′01″N 139°32′09″E / 35.31684°N 139.53573°E