છેલ વાયડા

છેલ આણંદજી વાયડા (૧૯૩૫ - ૧૨ નવેમ્બર, ૨૦૧૪) ભારતના કલા દિગ્દર્શક અને કલા નિર્માણકાર હતા.

છેલ વાયડા
જન્મ	૧૯૩૫

કારકિર્દી

૧૯૬૩ની સાલમાં તેઓ કલા દિગ્દર્શન અને કલા નિર્માણના વ્યવસાયમાં આવ્યા. પરેશ દારુની સાથે તેમની જોડી છેલ-પરેશ તરીકે જાણીતી હતી. આ જોડીએ સાથે મળીને પાંચ ભાષાઓનાં ૭૦૦ કરતાં વધુ નાટકો (જેમાં ગુજરાતી, મરાઠી, હિંદી, અંગ્રેજી, સંસ્કૃત અને ઓડિયાનો સમાવેશ થાય છે), છ ભાષાઓનાં ૪૪ ચલચિત્રો અને ત્રણ ભાષાઓનાં ટીવી ધારાવાહિકોના સેટ નિર્માણ કર્યા. આ ફિલ્મોમાં ટ્રેન ટુ પાકિસ્તાન (૧૯૯૮), અનકહી (૧૯૮૫) અને લોરી (૧૯૮૪) નો સમાવેશ થાય છે.

તેમનું અવસાન ૧૨ નવેમ્બર, ૨૦૧૪ ના રોજ મુંબઈ ખાતે થયું. તેમનાં પુત્ર સંજય છેલ પણ લેખક અને દિગ્દર્શક છે.