પૂનમ પાંડે

પૂનમ પાંડે (જન્મ ૧૧ માર્ચ ૧૯૯૧) એક ભારતીય મોડલ અને અભિનેત્રી છે. તેણીએ ૨૦૧૩માં નશા ફિલ્મથી બોલિવૂડમાં પ્રવેશ કર્યો હતો. ૨ ફેબ્રુઆરી ૨૦૨૪ના રોજ, તેણીએ તેના સોશિયલ મીડિયા પર પોસ્ટ કરી હતી કે તેણી સર્વાઇકલ કેન્સરથી મૃત્યુ પામી છે; બીજા જ દિવસે, તેણીએ ખુલાસો કર્યો કે આ રોગ અંગે જાગૃતિ લાવવા માટે એક નાટક હતું.

પૂનમ પાંડે
પૂનમ પાંડે, ૨૦૨૨
જન્મની વિગત	(1991-03-11) 11 March 1991 કાનપુર, ઉત્તર પ્રદેશ, ભારત
વ્યવસાય	અભિનેત્રી મોડલ
સક્રિય વર્ષો	૨૦૧૦–હાલમાં
જીવનસાથી	સામ બોમ્બે (લ. 2020; છૂટા પડેલા 2021)

પ્રારંભિક જીવન

પૂનમ પાંડેનો જન્મ ૧૧ માર્ચ ૧૯૯૧ના રોજ કાનપુરના એક પરિવારમાં થયો હતો. તેણીએ ૨૦૧૦માં એક મોડેલ તરીકે તેની કારકિર્દીની શરૂઆત કરી હતી. તેણી ગ્લેડ્રેગ્સ મેનહન્ટ અને મેગામોડેલ સ્પર્ધાના ટોચના નવ સ્પર્ધકોમાંની એક બની હતી અને ફેશન મેગેઝિનના મુખપૃષ્ઠ પર દેખાઈ હતી.

માધ્યમોમાં

પાંડેએ તેના અર્ધ-નગ્ન ફોટા વિવિધ સોશિયલ માધ્યમો જેવાં કે ટ્વિટર પર મૂકીને સમાચાર માધ્યમોમાં બહુ ધ્યાન ખેંચ્યું હતું.

૨૦૧૧માં જો ભારત ક્રિકેટ વિશ્વ કપ જીતી જાય તો તેણે ભારતીય ટીમ માટે નગ્ન થવાનું વચન આપ્યું હતું. ભારતે ખરેખર વિશ્વ કપ જીત્યો હતો. તેણીએ જણાવ્યું કે ભારતીય ક્રિકેટ કંટ્રોલ બોર્ડે તેને પરવાનગી આપી નહોતી. જોકે, તેણે તેની મોબાઈલ એપ પર એક વીડિયો અપલોડ કર્યો હતો, જેમાં તે રાત્રે વાનખેડે સ્ટેડિયમમાં નગ્ન અવસ્થામાં જોવા મળે છે.

૨૦૧૨માં, કોલકાતા નાઈટ રાઈડર્સે ઈન્ડિયન પ્રીમિયર લીગ જીત્યા બાદ તેણીએ નગ્ન અવસ્થામાં માધ્યમો અપલોડ કર્યા હતા.

પાંડેએ તેની પોતાની મોબાઇલ એપ્લિકેશન વિકસાવી જે ૨૦૧૭માં રજૂ થયા પછી તરત જ ગુગલ દ્વારા પ્રતિબંધિત કરવામાં આવી હતી. ૨૦૨૦માં તે એપ માત્ર તેની પોતાની સાઇટ પર જ પ્રાપ્ત હતી.

તેણે ઇન્સ્ટાગ્રામ પર એક સેક્સ ટેપ પણ અપલોડ કરી હતી, જેમાં તે તેના મિત્ર સાથે હતી. જોકે, પાછળથી તે કાઢી નાખવામાં આવી નાખી હતી.

અંગત જીવન

૧ સપ્ટેમ્બર ૨૦૨૦ના રોજ તેણે તેના લાંબા સમયથી મિત્ર સામ બોમ્બે સાથે લગ્ન કર્યા હતા. કોવિડ-૧૯ રોગચાળો હોવાથી આ લગ્ન ખાનગી રીતે કરવામાં આવ્યા હતા જેમાં નજીકના સગા અને મિત્રો હાજર રહ્યા હતા. સપ્ટેમ્બર ૧૧માં પાંડેએ બોમ્બે વિરુદ્ધ મારપીટની ફરિયાદ નોંધાવી હતી. સામ બોમ્બેની ૨૩ સપ્ટેમ્બરના રોજ ગોવાથી ધરપકડ કરાઇ હતી. ભારતીય દંડ સંહિતા ૪૯૮એ નો ઉપયોગ કરવાથી તેણી વિરુદ્ધ અનેક શંકાઓ ઊભી થઇ હતી. બોમ્બેની પછીથી છોડી દેવાયો હતો અને પાંડેએ તેની સાથે વાતચીત શરૂ કરી હતી. અચાનક આમ થવાથી તેણીએ સમગ્ર ઘટનાનું નાટક ઊભું કર્યું હોવાનો મત મોટાભાગના લોકોએ વ્યક્ત કર્યો હતો. ૫ નવેમ્બર ૨૦૨૦ના રોજ સરકારી માલિકીની મિલ્કત પર નગ્ન અવસ્થામાં ચલચિત્ર ઉતારવાના મામલે પાંડેની ધરપકડ કરાઇ હતી. આ ધરપકડ ગોવા ફોરવર્ડ પાર્ટીની ફરિયાદ પછી થઇ હતી. ૧૮ જાન્યુઆરી ૨૦૨૨ના રોજ ભારતીય સુપ્રિમ કોર્ટે તેને ધરપકડની સામે રક્ષણ આપ્યું હતું, જેમાં તેણી બોલીવૂડની અન્ય હસ્તીઓ સહિત પોર્ન કૌભાંડમાં સંડોવાયેલી હોવાનો દાવો કરાયો હતો.

મૃત્યુનું નાટક

તેણીની મેનેજરે તેના સત્તાવાર ઇન્સ્ટાગ્રામ ખાતા પર એક પોસ્ટ દ્વારા જણાવ્યું કે પાંડે ૧ ફેબ્રુઆરી ૨૦૨૪ ના રોજ ૩૨ વર્ષની ઉંમરે સર્વાઇકલ કેન્સરથી મૃત્યુ પામી હતી બીજા દિવસે આ રોગ વિશે જાગૃતિ લાવવા માટેનું એક નાટક હોવાનું બહાર આવ્યું હતું, જેની લોકો દ્વારા વ્યાપક ટીકા થઈ હતી.

બાહ્ય કડીઓ

• પૂનમ પાંડે, ઇન્ટરનેટ મૂવી ડેટાબેઝ પર