મેનમ વન્યજીવન અભયારણ્ય

મેનમ વન્યજીવન અભયારણ્ય અંગ્રેજી: Maenama Wildlife Sanctuary ભારત દેશના સિક્કિમ રાજ્યના દક્ષિણ સિક્કિમ જિલ્લા ખાતે આવેલ એક રક્ષિત જંગલ વિસ્તાર છે. આ જંગલ વિસ્તાર આશરે 35 square kilometres (14 sq mi) જેટલું ક્ષેત્રફળ ધરાવે છે. મેનમ-લાનો શાબ્દિક અર્થ "ઔષધોની ખાણ" એવો થાય છે અને આ વન્યજીવન અભયારણ્ય ઔષધીય મૂલ્ય ધરાવતી ઘણી વનસ્પતિઓથી સમૃદ્ધ છે. વર્ષ ૧૯૮૭માં આ અભયારણ્યની સ્થાપના કરી તેને રક્ષિત કરવામાં આવ્યું હતું. મેનમ વન્યજીવન અભયારણ્ય રાજ્યની રાજધાની ગંગટોકથી દક્ષિણ દિશામાં 65 kilometres (40 mi) જેટલા અંતરે આવેલું એક લોકપ્રિય પ્રવાસન સ્થળ છે.

આકાશીય વિહાર

ભારત દેશમાં પ્રથમવાર જ વન્યજીવન આકાશીય વિહારમાર્ગ મેનમ વન્યજીવન અભયારણ્ય ખાતે બાંધવામાં આવશે. સિક્કિમ રાજ્ય સરકાર દ્વારા સૂચિત બાંધકામ યોજના મુજબ 22 kilometres (14 mi) જેટલા લાંબા રોપ-વેનું નિર્માણ કરી તેના પરથી મેનમ વન્યજીવન અભયારણ્ય માટે એક આકાશીય વિહાર (સ્કાયવોક) થઈ શકશે, જે ભાલેધુંગા ટેકરીની ધાર પર બાંધવામાં આવશે. આ રોપ વે સાથે વરસાદી છત અને જાહેર સગવડતાઓ ઉપલબ્ધ કરવામાં આવશે. પર્યાવરણ મંત્રાલય દ્વારા પણ આ દરખાસ્ત મંજૂર કરવામાં આવી છે, જેનો ૫ અબજ રૂપિયા ખર્ચ થશે.

આ પણ જુઓ

• ભારતનાં વન્યજીવન અભયારણ્યો