વિશ્વ રેફ્રિજરેશન દિવસ

વિશ્વ રેફ્રિજરેશન દિવસ અથવા વિશ્વ પ્રશીતન દિવસ એ એક આંતરરાષ્ટ્રીય દિવસ છે જેની સ્થાપના ઇંગ્લેન્ડના ડર્બીશાયરમાં દ્વારા કરવામાં આવી હતી. દર વર્ષે ૨૬ જૂનના રોજ યોજાતી આ ઉજવણીનું નિર્માણ રોજિંદા જીવનમાં રેફ્રિજરેશન ટેકનોલોજીના મહત્વ વિશે જાગૃતિ લાવવા અને રેફ્રિજરેશન, એર-કન્ડિશનિંગ અને હીટ-પમ્પ ક્ષેત્રની પ્રોફાઇલ વધારવા માટે કરવામાં આવ્યું હતું. આ દિવસને ૨૬ જૂન ૧૮૨૪ના રોજ લોર્ડ કેલ્વિનની જન્મતારીખ ઊજવવા માટે પસંદ કરવામાં આવ્યો હતો.

વિશ્વ રેફ્રિજરેશન દિવસ
તારીખો	૨૬ જૂન
અવધિ	વાર્ષિક
સ્થાન	વૈશ્વિક
ઉદ્ધાટન	૨૬ જૂન ૨૦૧૯
સ્થાપક	સ્ટીફન ગીલ
Organised by	વિશ્વ રેફ્રીજરેશન દિવસ સચિવાલય
વેબસાઇટ	worldrefrigerationday.org

વિશ્વ રેફ્રિજરેશન દિવસનો વિચાર યુકેમાં રેફ્રિજરેશન સંસ્થા ભૂતપૂર્વ પ્રમુખ રેફ્રિજરેશન સલાહકાર સ્ટીફન ગિલનો હતો. ઑક્ટોબર ૨૦૧૮માં, ASHRAE (ધ અમેરિકન સોસાયટી ઑફ હીટિંગ, રેફ્રિજરેટિંગ અને એર-કન્ડિશનિંગ એન્જિનિયર્સ) એ વિશ્વ રેફ્રિજરેશન દિવસ માટે સમર્થનનું વચન આપ્યું હતું. જાન્યુઆરી ૨૦૧૯માં, ASHRAEએ ગિલને એટલાન્ટામાં જ્હોન ઑફ જેમ્સ ઇન્ટરનેશનલ એવોર્ડ એનાયત કર્યો. ફેબ્રુઆરી ૨૦૧૯ માં, સંયુક્ત રાષ્ટ્ર પર્યાવરણ કાર્યક્રમ અંતર્ગત પેરિસમાં UNEP રાષ્ટ્રીય ઓઝોન અધિકારીઓની બેઠકમાં સમર્થનનું વચન આપ્યું હતું. ઉદ્‌ઘાટક વિશ્વ રેફ્રિજરેશન દિવસ ૨૬ જૂન ૨૦૧૯ ના રોજ યોજાયો હતો.

વાર્ષિક વિષયો

• ૨૦૧૯ - વિવિધતા; એપ્લિકેશન, લોકો, કારકિર્દી, સ્થાનો, ટેકનોલોજી, વિજ્ઞાન, એન્જિનિયર્ડ સોલ્યુશન્સ અને નવીનતાની વિવિધતા.
• ૨૦૨૦ - કોલ્ડ ચેઇન; ખાદ્ય સુરક્ષા અને સુરક્ષા અને માનવ સ્વાસ્થ્યમાં શીત સાંકળ (કોલ્ડ ચેઇન) ક્ષેત્રની ભૂમિકા.
• ૨૦૨૧ - કારકિર્દી; વિદ્યાર્થીઓ અને યુવા વ્યાવસાયિકોને ધ્યાનમાં રાખીને.
• ૨૦૨૨ - ઠંડક; ઠંડકના ફાયદા અને અસરો, અને ટકાઉપણું માટે તકનીકી ઉકેલો વિશે જાગૃતિ લાવવી