શ્યામ સાધુ

શ્યામ સાધુ ‍(મૂળ નામ: શામળદાસ મૂળદાસ સોલંકી) (૧૫ જૂન, ૧૯૪૧ - ૧૬ ડિસેમ્બર, ૨૦૦૧) ગુજરાતી સાહિત્યકાર હતા. તેમણે મુખ્યત્વે ગઝલ સર્જન કર્યું હતું.

શ્યામ સાધુ
જન્મ	૧૫ જૂન ૧૯૪૧  જુનાગઢ
મૃત્યુ	૧૬ ડિસેમ્બર ૨૦૦૧
વ્યવસાય	કવિ

જીવન

તેમનું વતન જુનાગઢ હતું અને તેઓએ મેટ્રીક સુધીનો અભ્યાસ કરેલો.

સર્જન

યયાવરી તેમનો પ્રથમ ગઝલસંગ્રહ છે, જે ૧૯૭૨માં બહાર પડેલો, ત્યારે આ યુવાકવિ પ્રત્યે સાહિત્યકારોનું ધ્યાન ખેંચાયેલું. આ ઉપરાંત થોડાં બીજાં ઇન્દ્રધનુષ્ય અને આત્મકથાનાં પાનાંમાં કવિ-સર્જક તરીકેની તેમની મુદ્રાઓ ઊપસી આવેલી. ગુજરાત સાહિત્ય અકાદમી, ગાંધીનગર દ્વારા સંજુ વાળા સંપાદિત તેમનું સમગ્ર કાવ્યસર્જન ઘર સામે સરોવર નામે પ્રકાશિત થયું છે.

બાહ્ય કડીઓ

• શ્યામ સાધુ ગુજલિટ પર.