અમૃતા રાવ

અમૃતા રાવ (જન્મ ૧૭ જૂન ૧૯૮૧) એ એક ભારતીય અભિનેત્રી છે, જે બૉલિવૂડની ફિલ્મોમાં અભિનય કરે છે.

અમૃતા રાવ
જન્મ	૭ જૂન ૧૯૮૧  મુંબઈ
વ્યવસાય	ફિલ્મ અભિનેતા

એક મૉડેલ તરીકે કારકિર્દીની શરૂઆત કરતાં, અમૃતા રાવે ફિલ્મ અબ કે બરસ (૨૦૦૨) થી અભિનયનો પ્રારંભ કર્યો, જેના માટે તેણીએ શ્રેષ્ઠ નવોદિતનો પુરસ્કાર જીત્યો હતો. ત્યાર બાદ તેણીએ કેન ઘોષની પ્રેમ કહાની ઇશ્ક વિશ્કમાં અભિનય કર્યો, અને ફિલ્મફૅરની શ્રેષ્ઠ નવોદિત-મહિલાની શ્રેણીમાં નામાંકન મેળવ્યું.

અંગત જીવન

અમૃતા રાવનો જન્મ મુંબઇના ચિત્રપુર સારસ્વત બ્રાહ્મણ પરિવારમાં થયો હતો. તેણી મરાઠી ભાષા, હિન્દી ભાષા, અંગ્રેજી ભાષા તેમજ તેની માતૃભાષા કોંકણી બોલી જાણે છે. તેણીએ કેનોસા ઉચ્ચતર શાળા, મુંબઇમાં હાજરી આપી અને બાદમાં સોફિયા કોલેજમાં મનોવિજ્ઞાનની ડિગ્રી માટે પ્રવેશ મેળવ્યો. તેણીની નાની બહેન પ્રીતિકા રાવ પણ ફિલ્મ અભિનેત્રી છે.

કારકિર્દી

મૉડેલિંગ

સોફિયા કોલેજમાં ભણતી વખતે અમૃતાએ ફૅરેવર ફેસ ક્રીમની જાહેરાત માટે ઑડિશન આપ્યું. કૅડબરીની કડવા ચોથવાળી અને બ્રુ કૉફીની જાહેરાત પછી તેણીને બૉલિવૂડમાંથી ફિલ્મ નિર્દેશકોનાં પ્રસ્તાવો મળવા લાગ્યા.

અભિનય

અમૃતાએ અભિનયની શરૂઆત ૨૦૦૨ની ફિલ્મ અબ કે બરસથી કરી, ત્યાર બાદ તેણીએ ૨૦૦૩ની ફિલ્મ ઇશ્ક વિશ્કમાં પાયલનું પાત્ર ભજવ્યું. ૨૦૦૪માં તેની મસ્તી, મૈ હૂ ના, અને દીવાર ફિલ્મો રજુ થઇ. ૨૦૦૫માં વાહ! લાઇફ હો તો ઐસી, શિખર, અને ૨૦૦૬માં પ્યારે મોહન ફિલ્મો રજુ થઇ. તેણીએ ૨૦૦૬માં સૂરજ આર. બરજાત્યાની વિવાહમાં શાહિદ કપૂરની સામે કામ કર્યું. તેણીના અભિનયે તેને દાદાસહેબ ફાળકે અકાદમી પુરસ્કાર અપાવ્યો.

૨૦૦૬માં તેણીએ તેલુગુ ફિલ્મ અતિથીમાં મહેશ બાબુ સામે અભિનયનો પ્રારંભ કર્યો. ૨૦૦૮માં તેની માય નેમ ઇઝ એન્થોની ગોન્સાલ્વીસ અને વેલકમ ટુ સજ્જનપુર રજુ થઇ. ૨૦૦૮માં તેની વિક્ટરી, અને શોર્ટકટ રજુ થઇ.

પુરસ્કારો અને નામાંકન

ફિલ્મફૅર પુરસ્કાર

નામાંકિત

• ૨૦૦૪: ઇશ્ક વિશ્ક માટે ફિલ્મફૅર શ્રેષ્ઠ મહિલા નવાગંતુક પુરસ્કાર
• ૨૦૦૫: મૈં હૂં ના માટે ફિલ્મફૅર શ્રેષ્ઠ સહાયક અભિનેત્રી પુરસ્કાર

સ્ટાર સ્ક્રીન પુરસ્કાર

નામાંકિત

• ૨૦૦૩: અબ કે બરસમાટે સ્ટાર સ્ક્રીન પુરસ્કાર - સૌથી આશાસ્પદ નવાગંતુક - મહિલા
• ૨૦૦૪: ઇશ્ક વિશ્ક માટે સ્ટાર સ્ક્રીન પુરસ્કાર - સૌથી આશાસ્પદ નવાગંતુક - મહિલા
• ૨૦૦૭: વિવાહ માટે સ્ટાર સ્ક્રીન પુરસ્કાર - શ્રેષ્ઠ અભિનેત્રી
• ૨૦૦૭: સ્ટાર સ્ક્રીન પુરસ્કાર જોડી નં. ૧ શાહિદ કપૂર સાથે - વિવાહ

ઝી સિને પુરસ્કાર

નામાંકિત

• ૨૦૦૪: ઇશ્ક વિશ્ક માટે ઝી સિને પુરસ્કાર શ્રેષ્ઠ મહિલા નવાગંતુક

આંતરરાષ્ટ્રિય ભારતીય ફિલ્મ અકાદમી (IIFA) પુરસ્કાર

વિજેતા

• ૨૦૦૪: ઇશ્ક વિશ્ક માટે IIFA પુરસ્કાર શ્રેષ્ઠ મહિલા નવાગંતુક

સ્ટારડસ્ટ પુરસ્કાર

વિજેતા

• ૨૦૦૪: ઇશ્ક વિશ્ક માટે સ્ટારડસ્ટ આવતીકાલનો ચમકતો સિતારો - મહિલા
• ૨૦૦૯: વૅલકમ ટુ સજ્જનપુર સ્ટારડસ્ટ શ્રેષ્ઠ અભિનેત્રી પુરસ્કાર

અન્ય પુરસ્કારો

• ૨૦૦૪: સાન્સુઇ પુરસ્કાર, ઇશ્ક વિશ્ક માટે શ્રેષ્ઠ નવાગંતુક - મહિલા
• ૨૦૦૭: GR8 વિમેન પુરસ્કાર, યંગ અચિવર
• ૨૦૦૭: આનંદલોક પુરોષ્કર પુરસ્કાર, સૌથી આશાસ્પદ નવી પ્રતિભા વિવાહ માટે
• ૨૦૦૭: રમતવિશ્વ પુરસ્કાર, વર્ષની શ્રેષ્ઠ જોડી શાહિદ કપૂર સાથે વિવાહ માટે
• ૨૦૦૭: વિવાહ માટે દાદાસહેબ ફાળકે અકાદમી પુરસ્કાર

ફિલ્મોની યાદી

વર્ષ	ફિલ્મનું નામ	ભૂમિકા	પુરસ્કાર
૨૦૦૨	અબ કે બરસ	અંજલિ થાપર/નંદિની
	ધ લેજન્ડ ઓફ ભગત સિંઘ	મન્નેવાલી
૨૦૦૩	ઇશ્ક વિશ્ક	પાયલ મેહરા	નામાંકિત, ફિલ્મફૅર શ્રેષ્ઠ મહિલા નવાગંતુક પુરસ્કાર
૨૦૦૪	મસ્તી	આંચલ મેહતા
	મૈં હૂં ના	સંજના (સંજુ) બક્શી	નામાંકિત, ફિલ્મફૅર શ્રેષ્ઠ સહાયક અભિનેત્રી પુરસ્કાર
	દિવાર	રાધિકા
૨૦૦૫	વાહ! લાઇફ હો તો ઐસી	પિયા
	શિખર	માધવી
૨૦૦૬	પ્યારે મોહન	પિયા
	વિવાહ	પૂનમ
૨૦૦૭	હેય બેબી	હેય બેબી ગીતમાં ખાસ દેખાવમાં
	અથિધી	અમૃતા	તેલુગુ ફિલ્મ
૨૦૦૮	માય નેઇમ ઇઝ એન્થોની ગૉન્સાલ્વિસ	રિયા
	શૌર્ય	નીરજા રઠોડ, કેમિઓ દેખાવમાં
	વૅલકમ ટુ સજ્જનપુર	કમલા	વિજેતા, સ્ટારડસ્ટ શ્રેષ્ઠ અભિનેત્રી પુરસ્કાર
૨૦૦૯	વિક્ટરી	નંદિની
	શૉર્ટ કટ: ધ કૉન ઇઝ ઑન	માનસી
	લાઇફ પાર્ટનર	અંજલિ કુમાર	મહેમાન ભુમિકા
૨૦૧૦	જાને કહા સે આઇ હૈ	અંજલિ કુમાર	કેમિઓ દેખાવમાં
૨૦૧૧	લવ યુ...મી. કલાકાર!	રિતુ
2013	જોલી એલ એલ બી	સંધ્યા
2013	સિંહ સાબ ગ્રેટ	શિખા ચતુર્વેદી
2013	સત્યાગ્રહ	સુમિત્રા

બાહ્ય કડીઓ

• અમૃતા રાવ ઈન્ટરનેટ મૂવી ડેટાબેઝમાં