આંગન કે પાર દ્વાર

આંગન કે પાર દ્વાર (અંગ્રેજી: Door Beyond the Courtyard) એ ભારતીય લેખક સચ્ચિદાનંદ હીરાનંદ વાત્સ્યાયન 'અજ્ઞેય' દ્વારા રચાયેલ કાવ્યસંગ્રહ છે, જે ૧૯૬૧માં પ્રગટ થયો હતો. આ પુસ્તકને ૧૯૬૪માં સાહિત્ય અકાદમી એવોર્ડ એનાયત થયો હતો.

આંગન કે પાર દ્વાર

લેખક	સચ્ચિદાનંદ હીરાનંદ વાત્સ્યાયન 'અજ્ઞેય'
મૂળ શીર્ષક	आँगन के पार द्वार
અનુવાદક	ભોળાભાઈ પટેલ
દેશ	ભારત
ભાષા	હિંદી
પ્રકાશન તારીખ	૧૯૬૧
પુરસ્કારો	સાહિત્ય અકાદમી પુરસ્કાર (૧૯૬૪)
OCLC	21026458

વિષયવસ્તુ

આ સંગ્રહની કવિતાઓ ૧૯૫૯થી ૧૯૬૧ના સમયગાળા દરમિયાન લખાયેલ છે.

સંગ્રહની કવિતાઓને ત્રણ ભાગમાં વહેંચવામાં આવી છે: 'અંત:સલીલા', 'ચક્રંત શીલા', અને 'અસાધ્ય વીણા'. 'અંત:સલીલા'માં ૧૮ કવિતાઓ સમાવિષ્ટ છે. 'ચક્રંત શીલા'માં 27 કવિતાઓ છે, જે મુખ્યત્વે નવ્ય-રહસ્યવાદી વિષયવસ્તુ ધરાવે છે. છેલ્લો ભાગ 'અસાધ્ય વીણા' એ જ શીર્ષકની પ્રલંબ કવિતા ધરાવે છે.

સંગ્રહની કવિતાઓમાં અજ્ઞેયે તદભવ શબ્દોનો ઉપયોગ વધારે કર્યો છે, જયારે તત્સમ શબ્દોનો ઉપયોગ ટાળ્યો છે. તદભવ શબ્દોની રચનાત્મક શક્યતાઓને પ્રકાશમાં લાવવામાં આ પુસ્તકે નિર્ણાયક ભૂમિકા ભજવી હતી.

આવકાર

'આંગણ કે પાર દ્વાર' પુસ્તકને ૧૯૬૪માં સાહિત્ય અકાદમી એવોર્ડ એનાયત થયો હતો. તેનો ગુજરાતી ભાષામાં અનુવાદ ભોળાભાઈ પટેલે 'આંગણાની પાર દ્વાર' (૨૦૦૨) શિર્ષક હેઠળ કરેલ છે.

બાહ્ય કડીઓ

• આંગન કે પાર દ્વાર ગુગલ બુક્સ પર.
• આંગન કે પાર દ્વાર ઇન્ટરનેટ અર્કાઇવ પર