ગેની ઠાકોર

ગેનીબેન ઠાકોર (પૂરું નામ ગેનીબેન નગાજી ઠાકોર) એક ભારતીય રાજકારણી છે જે બનાસકાંઠા લોકસભાના સંસદ સભ્ય છે. ૨૦૨૪ની લોક સભાની ચૂંટણીમાં તેઓ બનાસકાંઠાની બેઠક પરથી ચૂંટાયા હતા અને ગુજરાતમાંથી ભારતીય રાષ્ટ્રીય કોંગ્રેસ તરફથી એક માત્ર જીત મેળવી હતી. તેઓ ગુજરાત વિધાનસભાની વાવ બેઠકના ધારાસભ્ય ૨૦૨૨-૨૪ રહ્યા હતા.

ગેનીબેન ઠાકોર
ચિત્ર:ગેનીબેન ઠાકોર
ગુજરાત વિધાનસભાના સભ્ય
પદ પર ૨૦૧૭ – ૨૦૨૪
બેઠક	વાવ વિધાનસભા મતવિસ્તાર
લોક સભા
બેઠક	બનાસકાંઠા
પદ પર ૨૦૨૪ – હાલમાં
અંગત વિગતો
જન્મ	(1975-11-19) 19 November 1975
રાષ્ટ્રીયતા	ભારતીય
રાજકીય પક્ષ	કોંગ્રેસ
જીવનસાથી	નગાજી ઠાકોર
નિવાસસ્થાન	ભાભર
ક્ષેત્ર	સામાજિક કાર્યકર, સંસદ સભ્ય
૧૮ નવેમ્બર, ૨૦૨૨ સ્ત્રોત: [૧]

રાજકીય કારકિર્દી

૨૦૧૨ની ગુજરાત વિધાનસભાની ચૂંટણીમાં વાવ વિધાનસભા મતવિસ્તારમાંથી તેમણે ઉમેદવારી નોંધાવી હતી પરંતુ તેમાં તેમનો પરાજય થયો હતો. ૨૦૧૭માં તેમણે વાવ મતવિસ્તારમાંથી કોંગ્રેસ પક્ષના ઉમેદવાર તરીકે ગુજરાત વિધાનસભાની ચૂંટણી લડી હતી અને ૬૬૫૫ મતની સરસાઈ સાથે ભારતીય જનતા પાર્ટીના શંકર ચૌધરી સામે જીત મેળવી હતી. ગેની બેનને અખબારી સ્રોતો દ્વારા અલ્પેશ ઠાકોરના નજીકના માનવામાં આવે છે. ૨૦૨૨ ની ગુજરાત વિધાનસભાની ચૂંટણીમાં તેઓ ફરીથી વાવ બેઠક પરથી ચૂંટાયા હતા.

વિચારો

૨૦૧૯માં ગેનીબેને ઠાકોર સમાજની અપરિણીત યુવતીઓ માટે મોબાઇલ ફોનના ઉપયોગ પર પ્રતિબંધ મુકવાના નિર્ણયને સમર્થન આપ્યું હતું. ગેનીબેને કહ્યું હતું કે, "યુવતીઓ માટે મોબાઈલના ઉપયોગ પર પ્રતિબંધ મૂકવાના પગલામાં કંઈ પણ ખોટું નથી; તેઓએ સોશિયલ મિડિયાથી દૂર રહેવું જોઈએ અને અભ્યાસમાં વધુ સમય પસાર કરવો જોઈએ". અગાઉ ૨૦૧૮માં તેમણે લોકોને બળાત્કારના આરોપીઓને પોલીસને સોંપવાના બદલે સળગાવી દેવા માટે ઉશ્કેરતું નિવેદન આપ્યું હતું. બાદમાં તેમણે સ્પષ્ટતા કરી હતી કે તેઓ 'મહિલાઓને શાંત પાડવાનો' પ્રયાસ કરી રહ્યાં હતાં.