તલવાર (સામયિક)

તલવાર એ ૨૦મી સદીની શરૂઆતમાં બર્લિનથી પ્રકાશિત થયેલું ભારતીય રાષ્ટ્રવાદી સામયિક હતું. મૂળ મદનની તલવાર તરીકે છપાતું આ સામયિક પાછળથી ધ તલવાર તરીકે જાણીતું બન્યું હતું.

ધ તલવાર, માર્ચ ૧૯૧૦.

વિલિયમ હટ્ટ કર્ઝન વાયલીની રાજકીય હત્યા માટે મૃત્યુદંડની સજા પામેલા ભારતીય સ્વતંત્રતા ચળવળના નાયકોમાંના એક મદનલાલ ધિંગરાના નામ પરથી તેનું નામકરણ કરવામાં આવ્યું હતું. આ પ્રકાશનની સ્થાપના ૧૯૦૯માં પેરિસમાં ભિકાજી કામાએ કરી હતી. આ સમાચારપત્રનો હેતુ ભારતમાં રાષ્ટ્રવાદી અશાંતિ ભડકાવવાનો અને બ્રિટિશ ભારતીય સૈન્યના સિપાહીઓની વફાદારી પર પ્રભુત્વ જમાવવાનો પ્રયાસ કરવાનો હતો. સંપાદકીય જવાબદારીઓ બર્લિનમાં વિરેન્દ્રનાથ ચટ્ટોપાધ્યાય પાસે હતી. પેરિસ ઇન્ડિયન સોસાયટી દ્વારા પેરિસમાંથી પ્રકાશિત કરવામાં આવેલા વંદે માતરમ્ ની જેમ જ, આ સાપ્તાહિકે પણ અગાઉ લંડનથી પ્રકાશિત થતા ધ ઇન્ડિયન સોશિયોલૉજિસ્ટનો સંદેશ ચાલુ રાખ્યો હતો.

સંદર્ભ સૂચિ

• Chirol, Valentine (2000), Indian Unrest, Boston: Adamant Media, ISBN 0-543-94122-1 
• Radhan, O.P, ed. (2002), Encyclopaedia of Political Parties, New Delhi: Anmol, ISBN 81-7488-865-9 
• Sareen, Tilak R (1979), Indian Revolutionary Movement Abroad, 1905-1921, New Delhi: Sterling 
• Yadav, Bishamber Dayal (1992), P.T. Acharya, Reminiscences of an Indian Revolutionary, Anmol, p. 44, ISBN 81-7041-470-9