તામડા ઘુમર

તામડા ઘુમર (હિંદી: तामड़ा घूमड़) એક મોસમી અને કુદરતી ધોધ છે, જે ભારત દેશના છત્તીસગઢ રાજ્યના બસ્તર જિલ્લામાં જગદાલપુર શહેરથી પશ્ચિમ દિશામાં આશરે 45 kilometres (28 mi) જેટલા અંતરે આવેલ છે. આ સ્થળ ચિત્રકોટનો ધોધ અને મેન્દ્રી ઘુમરથી ખૂબ જ નજીક આવેલ છે.

તામડા ઘુમર Tamda Ghumar
तामड़ा घूमड़
સ્થાન	જગદાલપુર, ભારત
અક્ષાંસ-રેખાંશ	19°10′22″N 81°37′45″E
પ્રકાર	કાસ્કેડ
કુલ ઉંચાઇ	100 feet (30 m)

સ્થાનિક ભૂગોળ

તામડા ઘુમર ધોધ જગદાલપુરથી આશરે ૪૫ કિ. મી. જેટલા અંતરે આવેલ છે . આ સ્થળ ચિત્રકોટ અને મેન્દ્રી ઘુમર ધોધથી ખૂબ જ નજીક આવેલ છે. આ ધોધની ઊંચાઇ લગભગ ૧૦૦ ફૂટ જેટલી છે અને સામાન્ય રીતે વરસાદની મોસમમાં જ અહીં પાણી ચાલુ રહે છે. ધોધની બંને તરફ લીલા જંગલો આવેલ છે. ચિત્રકોટ અને તીરથગઢ ધોધની માફક તામડા ઘુમર ધોધ પણ એક સુંદર કુદરતી અજાયબી અને એક રમણીય સ્થળ છે.

કુદરતી સૌંદર્યથી ભરપૂર આ વિસ્તાર ખાતે ગાઢ જંગલ ધરાવતી જમીનો, ઊંડી ખીણો અને ભવ્ય ટેકરીઓ આ સ્થળની સુંદરતામાં ઉમેરો કરે છે અને તે તરફ પ્રવાસીઓને આકર્ષે છે. આ ધોધ આવેલો એક અલગ સ્થાન પર આવેલ હોવા છતાં પણ અહીં મોટી સંખ્યામાં પ્રવાસીઓ પિકનિક માણવા માટે તેમ જ તેમના પરિવારો અને મિત્રો સાથે કુદરતી અજાયબીઓ માણવા માટે અહીં આવે છે. તે ખરેખર છત્તીસગઢ રાજ્યનાં શ્રેષ્ઠ પ્રકૃતિ પ્રવાસન સ્થળો પૈકીનું એક છે. આસપાસનો વિસ્તાર પણ કુદરતી આકર્ષણોથી સમૃદ્ધ છે. આ સ્થળની મુલાકાત લેવા માટે ચોમાસાની ઋતુનો સમય શ્રેષ્ઠ છે. આ ઋતુમાં આવતા પ્રવાસીઓનું વહેતાં પાણીનાં ઝરણાંઓ, જેના માર્ગની બંને બાજુઓ પર ભરપૂર વૃક્ષો છે તેમ જ ખડકો કાપીને તેમાંથી પસાર થાય છે અને છેલ્લે તીવ્ર ઝડપથી ટેકરીની ટોચ પરથી નીચે પડી મનોહર દૃશ્યો સાથે સ્વાગત કરે છે.

આ પણ જુઓ

• ચિત્રકૂટ ધોધ
• તીરથગઢ ધોધ
• કોટુમસર ગુફા
• મેન્દ્રી ઘુમર
• જગદાલપુર