ભાવના કંઠ

ભાવના કંઠ ભારતની પ્રથમ મહિલા ફાઇટર પાઇલટો પૈકીની એક છે. તેમને, તેમના બે સહયોગીઓ, મોહાના સિંહ અને અવની ચતુર્વેદી સાથે પ્રથમ ફાઈટર પાયલોટ તરીકે જાહેર કરવામાં આવ્યા હતા. આ ત્રણેયને જૂન ૨૦૧૬માં ભારતીય વાયુસેનાના ફાઇટર સ્ક્વોડ્રનમાં શામેલ કરવામાં આવ્યા હતા. રક્ષા મંત્રી મનોહર પર્રિકરે તેમને ઔપચારિક રીતે જોડાવ્યા હતા. ભારત સરકારે પ્રાયોગિક ધોરણે મહિલાઓ માટે ભારતીય વાયુસેનામાં લડાયક ક્ષેત્ર ખોલવાનો નિર્ણય કર્યા પછી, આ ત્રણેય મહિલાઓને આ કાર્યક્રમ માટે પ્રથમ પસંદ કરવામાં આવી હતી.

ભાવના કંઠ
ભાવના કંઠ
અંગત વિગતો
જન્મ	(1992-12-01) 1 December 1992 દરભંગા,બિહાર, ભારત
જીવનસાથી	ફ્લાઈટ લેફ્ટનન્ટ કન્હૈયા આચાર્ય
વ્યવસાય	ફાઈટર પાયલોટ
પુરસ્કારો	નારી શક્તિ પુરસ્કાર
સૈન્ય સેવાઓ
Allegiance	India
શાખા/સેવા	ભારતીય વાયુ સેના
હોદ્દો	ફ્લાઈટ લ્યુટનન્ટ

મે ૨૦૧૯માં, તે લડાઈનું મિશન હાથ ધરવા માટે લાયક બનનાર ભારતની પ્રથમ મહિલા ફાઇટર પાઇલટ બની.

પ્રારંભિક જીવન

તેમનો જન્મ ૧ ડિસેમ્બર ૧૯૯૨ ના દિવસે દરભંગા, બિહારમાં થયો હતો. તેમના પિતા તેજ નારાયણ કંઠ ઇન્ડિયન ઓઇલ કોર્પોરેશનમાં ઇલેક્ટ્રિકલ એન્જિનિયર છે અને માતા રાધા કંઠ ગૃહિણી છે. મોટા થતાં તેમને ખો ખો, બેડમિન્ટન, તરણ જેવી રમતો અને ચિત્રકળામાં રસ ઉત્પન્ન થયો હતો.

શિક્ષણ

તેમણે બારૌની રિફાઇનરીની ડી.એ.વી. પબ્લિક સ્કૂલમાંથી પોતાનો શાલેય અભ્યાસ પૂરો કર્યો. તેમણે રાજસ્થાનના કોટામાં એન્જિનિયરિંગ પ્રવેશ પરીક્ષાઓની તૈયારી કરી. ત્યાર બાદ તેઓ બેંગલુરુની બી.એમ.એસ. કૉલેજ ઑફ એન્જિનિયરિંગમાં મેડિકલ ઇલેક્ટ્રોનિક્સમાં બેચલર ઓફ એન્જિનિયરિંગના અભ્યાસમાં જોડાયા. તેઓ ૨૦૧૪માં સ્નાતક થયા અને આઇટી જાયન્ટ ટાટા કન્સલ્ટન્સી સર્વિસિસમાં ભરતી થયા.

કારકિર્દી

પ્રધાનમંત્રી નરેન્દ્ર મોદી ૨૦૨૦માં આંતરરાષ્ટ્રીય મહિલા દિવસ પર નારી શક્તિ પુરસ્કારવિજેતાઓ સાથે.

તેમણે હંમેશા વિમાનો ઉડાવવાનું સપનું જોયું હતું. તેમણે એરફોર્સ કોમન એડમિશન ટેસ્ટ આપી અને તેમની વાયુસેનામાં જોડાવા માટે પસંદગી કરવામાં આવી. સ્ટેજ-૧ની તાલીમના ભાગરૂપે, તેઓ ફાઇટર સ્ટ્રીમમાં જોડાયા.

જૂન ૨૦૧૬માં, તેમણે હૈદરાબાદના હકીમપેટ એરફોર્સ સ્ટેશન પર કિરણ ઇન્ટરમીડિયેટ જેટ ટ્રેનર્સ પર છ મહિનાની લાંબી સ્ટેજ-૨ ની તાલીમ લીધી, ત્યારબાદ તે જ વર્ષે તેમને ડીંડીગલની એરફોર્સ એકેડેમીમાં કમ્બાઈન્ડ ગ્રેજ્યુએશન પરેડ સ્પ્રિંગ ટર્મમાં ફ્લાઈંગ ઓફિસર તરીકે કામ મળ્યું

તેઓ હોક એડવાન્સ જેટ ટ્રેનર્સને ઉડાવે છે અને તેમને અને તેમના અન્ય બે સહયોગી સભ્યોને મિગ-૨૧ બાઇસન સ્ક્વોડ્રોનમાં ખસેડવાની યોજના છે. ફ્લાઇંગ ઓફિસર ભાવના કંઠે ૧૬ માર્ચ ૨૦૧૮ ના દિવસે મિગ -૨૧ 'બાઇસન'ની એકલ ફ્લાઇટ લીધી. તેમણે અંબાલા એરફોર્સ સ્ટેશનથી મિગ-૨૧ની સોલો ફ્લાઇટ લગભગ ૧૪૦૦ કલાક કરી હતી.

તેમણે મોડેલિંગ અને જાહેરાત પણ કરી હતી.

૯ માર્ચ, ૨૦૨૦ ના દિવસે, તેમને રાષ્ટ્રપતિ રામનાથ કોવિંદ દ્વારા નારી શક્તિ પુરસ્કાર આપવામાં આવ્યો હતો.

તેમને ભારતીય વાયુસેનાની સ્ક્વોડ્રોન નંબર ૩ કોબ્રામાં કાર્યભાર મળ્યો છે.