ભૂતેશ્વરનાથ મંદિર, મરૌદા
ભૂતેશ્વરનાથ મંદિર ભારત દેશના છત્તીસગઢ રાજ્યના રાયપુર જિલ્લામાંથી છૂટા પાડી અલગ રચવામાં આવેલા ગરિયાબંદ જિલ્લાના મરૌદા ગામમાં ગાઢ જંગલોની વચ્ચે એક પ્રાકૃતિક શિવલિંગ છે. આ સ્થળ જિલ્લામથક ગરિયાબંદથી આશરે ત્રણ કિલોમીટર જેટલા અંતરે દક્ષિણ-પશ્ચિમ દિશામાં આવેલ છે.
આ વિશ્વમાં સૌથી મોટું પ્રાકૃતિક શિવલિંગ ગણાય છે. આ શિવલિંગ વિશે ખાસ બાબત છે કે એની લંબાઈ અને જાડાઈ જાતે જ વધી રહી છે. આ શિવલિંગ ૧૮ ફુટ ઊંચાઈ અને ૨૦ ફુટ જેટલો ઘેરાવો ધરાવે છે. દર વર્ષે આની ઉંચાઈ માપવામાં આવે છે, જે ૬ થી ૮ ઈંચ જેટલી દર વર્ષે વધતી હોવાનો ઉલ્લેખ છે.
આ શિવલિંગ ગાઢ જંગલમાં સ્થાપિત છે, તો પણ અહિંંયા મોટી સંખ્યામાં ભક્તો દર્શનાર્થે આવે છે. આ શિવલિંગ સાથે જોડાયેલા ચમત્કારોના કારણે આ લોકોના આકર્ષણનું કેંદ્ર બનેલું છે. કેટલાક ભક્તો તો દર વર્ષે શિવલિંગની વધતી લંબાઈનો ચમત્કાર જોવા જાય છે. કહેવાય છે કે અહીં કરેલી પ્રાર્થના જરૂર પૂરી થાય છે.
આ સ્થાન ભકુરા મહાદેવ નામથી પણ ઓળખાય છે[૧]. આ શિવલિંગનો ઉલ્લેખ કેટલાક પુરાણોમાં પણ મળે છે, એમાં દર્શાવ્યા મુજબ આ એક અજોડ અને મહાન શિવલિંગ છે, જેની પૂજા-અર્ચના કરવાથી ભક્તોની બધી જ મનોકામના પૂર્ણ થાય છે[૨].
સંદર્ભો ફેરફાર કરો
- ↑ "Bhuteshwar Nath Mahadev Shivling, Gariaband". છત્તીસગઢ કે ધાર્મિકસ્થલ (હિંદી ભાષામાં). ૧૬ ઓગસ્ટ ૨૦૧૭. મેળવેલ ૧૮ ડિસેમ્બર ૨૦૧૭.
- ↑ "દર વર્ષે 6 થી 8 ઈંચ વધે છે આ શિવલિંગની લંબાઈ, રહસ્ય હજી સુધી અકબંધ". ધર્મદર્શન, દિવ્ય ભાસ્કર. ૨૬ નવેમ્બર ૨૦૧૭. મૂળ માંથી 2017-11-26 પર સંગ્રહિત. મેળવેલ ૬ ડિસેમ્બર ૨૦૧૭.
બાહ્ય કડીઓ ફેરફાર કરો
Coordinates: 20°59′00″N 82°01′26″W / 20.98333°N 82.02389°W