આચાર્ય દેવ વ્રત

આચાર્ય દેવવ્રત (૧૮ જાન્યુઆરી ૧૯૫૯) જુલાઈ ૨૦૧૯થી ગુજરાતના ગવર્નર તરીકે સેવા આપતા ભારતીય રાજકારણી છે. તે આર્ય સમાજ પ્રચારક હતા અને અગાઉ હરિયાણાના કુરુક્ષેત્રમાં ગુરુકુળના વડા તરીકે સેવા આપી હતી.

આચાર્ય દેવવ્રત
ગુજરાતના ગવર્નર
પદ પર
Assumed office ૨૨ જુલાઇ ૨૦૧૯
રાષ્ટ્રપતિ	રામ નાથ કોવિંદ
મુખ્ય મંત્રી	વિજય રૂપાણી ભૂપેન્દ્ર પટેલ
પુરોગામી	ઓમપ્રકાશ કોહલી
હિમાચલ પ્રદેશના ગવર્નર
પદ પર ૧૨ ઓગસ્ટ ૨૦૧૫ – ૨૧ જુલાઇ ૨૦૧૯
મુખ્ય મંત્રી	વિરભદ્ર સિંહ જય રામ ઠાકુર
પુરોગામી	કલ્યાણ સિંહ
અનુગામી	કલરાજ મિશ્રા
અંગત વિગતો
જન્મ	(1959-01-18) 18 January 1959 સમલ્ખા, પંજાબ, ભારત (હાલમાં હરિયાણા)

તેઓ ૧૯૮૧થી ગુરુકુળના અધ્યક્ષ રહ્યા છે. આ સંસ્થા આર્ય પ્રતિનિધિ સભા, રોહતક દ્વારા ચલાવવામાં આવે છે, સરકારની કોઈ આર્થિક સહાય વિના, તેમણે ૧૯૮૦ના દાયકાથી ગુરુકુળ કુરુક્ષેત્રના માર્ગદર્શક, વાલી, પ્રિન્સિપલ અને વાર્ડન તરીકે સેવા આપી છે. તે તેમના દૈનિક જીવનમાં તેમની પ્રામાણિકતા, શિસ્ત, નિયમિતતા માટે જાણીતા હતા.

આચાર્ય ડો. દેવ વ્રતએ ૧૯૮૪માં પંજાબ યુનિવર્સિટીમાંથી હિન્દીમાં તેમની અનુસ્નાતક પૂર્ણ કરી હતી. તેઓ પ્રદૂષણ મુક્ત વાતાવરણ માટે કામ કરી રહ્યા છે. તેઓ સ્ત્રી ભ્રૂણહત્યા અને "બેટી પઢાવો-બેટી બચાવો" અભિયાન સાથે ગાઢ રીતે સંકળાયેલા છે. તેમણે ભારતીય સંસ્કૃતિના પ્રચાર માટે યુરોપ અને દક્ષિણ પૂર્વ એશિયામાં પ્રવાસ કર્યો છે.

હિમાચલ પ્રદેશના ઇતિહાસમાં તેના પ્રકારની પ્રથમ વહીવટી કામગીરી તરીકે, આચાર્ય દેવ વ્રત દ્વારા ડ્રગના દુરૂપયોગ અને અસહિષ્ણુતા સહિતના સીધા સામાજિક મુદ્દાઓ લેવા માટે પગલાં લેવામાં આવ્યા છે. રાજ્યના વહીવટીતંત્રના વરિષ્ઠ અધિકારીઓ સાથે ૩ નવેમ્બર ૨૦૧૫ના રોજ આ સામાજિક દુર્ઘટનાઓને તપાસવા માટેના પગલાઓનું નિરીક્ષણ કરવા ગવર્નરે એક બેઠક યોજવી હતી. ભારતના બંધારણ અનુસાર, રાજ્યના ગવર્નર મિનિસ્ટર કાઉન્સિલ દ્વારા કાર્ય કરે છે.

જુલાઈ ૨૦૧૯માં, તેમને ઓમપ્રકાશ કોહલીની જગ્યાએ ગુજરાતના ૨૦મા રાજ્યપાલ તરીકે નામાંકિત કરવામાં આવ્યા હતા.