વિજય રૂપાણી

વિજય રૂપાણી ભારતીય જનતા પક્ષના રાજનેતા હતા. પશ્ચિમ રાજકોટનાં પ્રતિનિધિરૂપે એ ગુજરાત વિધાનસભાના સદસ્ય હતા. એમણે ૭ ઓગસ્ટ ૨૦૧૬ ના રોજ ગુજરાત રાજ્યના સોળમા મુખ્યમંત્રી તરીકે શપથ ગ્રહણ કર્યા હતા. મુખ્યમંત્રી બન્યા પહેલાં તેઓ ભારતીય જનતા પક્ષના રાજ્યાધ્યક્ષ અને રાજ્યસભાના સભ્ય પણ હતા. ૧૨મી જૂન ૨૦૨૫ના રોજ સર્જાયેલી ૨૦૨૫ અમદાવાદ વિમાન દુર્ઘટનામાં તેમનું નિધન થયું હતું.

વિજય રૂપાણી
વિજય રૂપાણી, ભવનાથના શિવરાત્રી મેળા દરમિયાન, ૨૦૧૮
ગુજરાતના ૧૬માં મુખ્યમંત્રી
પદ પર ૨૬ ડિસેમ્બર ૨૦૧૭ – ૧૧ સપ્ટેમ્બર ૨૦૨૧
પુરોગામી	આનંદીબેન પટેલ
અનુગામી	ભૂપેન્દ્ર પટેલ
બેઠક	રાજકોટ પશ્ચિમ
Assembly Member - રાજકોટ પશ્ચિમ
પદ પર
Assumed office ૧૯ ઓક્ટોબર ૨૦૧૪
રાજ્ય સભાના સભ્ય, ગુજરાત માટે
પદ પર ૨૦૦૬ – ૨૦૧૨
અંગત વિગતો
જન્મ	૨ ઓગસ્ટ ૧૯૫૬ રંગૂન, બર્મા
મૃત્યુ	૧૨ જૂન ૨૦૨૫ અમદાવાદ
રાષ્ટ્રીયતા	ભારતીય
રાજકીય પક્ષ	ભારતીય જનતા પક્ષ
જીવનસાથી	અંજલી રૂપાણી
સંતાનો	એક પુત્ર, એક પુત્રી
માતા-પિતા	રમણિકલાલ, માયાબેન
નિવાસસ્થાન	રાજકોટ
વ્યવસાય	રાજકારણી
કેબિનેટ	ગુજરાત સરકાર
ખાતાઓ	વાહનવ્યવહાર, જળ પુરવઠો, શ્રમ અને રોજગાર (નવેમ્બર ૨૦૧૪ - ઓગસ્ટ ૨૦૧૬‌)

પ્રારંભિક જીવન

૨ ઓગસ્ટ ૧૯૫૬ના રોજ બર્મા દેશના રંગૂન મહાનગરમાં વિજયભાઈનો જન્મ થયો હતો. તેમના પિતાનું નામ રમણિકલાલ અને માતાનું નામ માયાબેન હતું. તેઓ જૈનધર્મનાં અનુયાયી હતા. રમણિકલાલ સપરિવાર ૧૯૬૦ માં બર્માને છોડીને હંમેશને માટે ભારત આવ્યા. પછી તેઓ ગુજરાતનાં રાજકોટમાં રહેવા લાગ્યા. વિજયભાઈ ધર્મેન્દ્રસિંહ મહાવિદ્યાલયમાંથી સ્નાતક થયા અને પછી સૌરાષ્ટ્ર વિશ્વવિદ્યાલયથી એલ.એલ.બી થયા.

કારકિર્દી

અખિલ ભારતીય વિદ્યાર્થી પરિષદમાં સક્રિય હતાં ત્યારથી વિજય રૂપાણી પોતાના જીવનને સાવર્જનિકપણે જીવવા લાગ્યા. પછી તે રાષ્ટ્રીય સ્વયંસેવક સંઘ સાથે અને જનસંઘ સાથે જોડાયા. તેઓ ૧૯૭૧થી ભારતીય જનતા પક્ષનાં કાર્યકર્તા રહ્યા હતા. ૧૯૭૬ વર્ષમાં ભારતની કટોકટી વખતે વિજય રૂપાણી ભાવનગરનાં અને ભુજ-મહાનગરનાં કારાગારમાં બંદી હતા. એ બંને કારાગરોમાં એ ૧૧ માસ સુધી હતાં. વિજય રૂપાણી ૧૯૭૮ વર્ષથી ૧૯૮૧ સુધી રાષ્ટ્રીય સ્વયંસેવક સંઘના પ્રચારક પણ હતાં. ૧૯૮૭ વર્ષે રાજકોટ મહાનગરપાલિકામાં સભ્ય તરીકે ચુંટાયા અને જલ નિકાસ સમિતિનાં અધ્યક્ષ બન્યા. સમનન્તર વર્ષે એ રાજકોટ મહાનગરપાલિકાનાં સ્થાયી સમિતિનાં અધ્યક્ષ બન્યા. એ પદ પર તેઓ ૧૯૮૮ થી ૧૯૯૬ સુધી આરૂઢ હતા. વચ્ચે ૧૯૯૫માં એમનું રાજકોટ મહાનગરપાલિકાનાં સ્થાયી સમિતિના અધ્યક્ષત્વે પુનઃ ચયન થયું. પછી એમણે ૧૯૯૬થી ૧૯૯૭ પર્યન્ત રાજકોટ મહાનગરના મેયર તરીકે પણ કાર્ય કર્યું. પછી ૧૯૯૮ વર્ષે ભાજપના ગુજરાત રાજ્ય વિભાગના વિભાગાધ્યક્ષ થયા. જ્યારે કેશુભાઈ પટેલ ગુજરાત રાજ્યનાં મુખ્યમંત્રી હતા ત્યારે વિજય રૂપાણીએ ઘોષણાપત્ર સમિતિનાં આધ્યક્ષતાનું વહન કર્યું. ૨૦૦૬ વર્ષે ગુજરાત પર્યટન વિભાગનાં અધ્યક્ષ બન્યાં. ૨૦૦૬ - ૨૦૧૨ એ રાજ્યસભાના સદસ્ય હતા. જ્યારે નરેન્દ્ર મોદી ગુજરાત રાજ્યના મુખ્યમંત્રી હતા ત્યારે વિજય રૂપાણી ભાજપનાં ગુજરાત વિભાગના ચાર વાર અધ્યક્ષ, ગુજરાત મહાનગરપાલિકાના વિત્તવિભાગના એકવાર અધ્યક્ષ (૨૦૧૩) બન્યા. ૧૯ ફેબ્રુઆરી ૨૦૧૬ના રોજ વિજય રૂપાણી ભાજપનાં ગુજરાત વિભાગના અધ્યક્ષ બન્યા. ૨૦૧૪ ઓગસ્ટ માસમાં જ્યારે ગુજરાત વિધાનસભાના વક્તા વજુભાઈ પશ્ચિમ રાજકોટના વિધાયકત્વે ત્યાગપત્ર આપી કર્ણાટક રાજ્યનાં રાજ્યપાલ બન્યા ત્યારે ભાજપ દ્વારા તેમનું નામાંકન એ ખાલી પદની પૂર્તિ માટે થયું. ૧૯ ઓક્ટોબર ૨૦૧૪ના રોજ વિધાયક પદની ચૂંટણીમાં વિજય રૂપાણી બહુમતે જિત્યા.

૧૧ સપ્ટેમ્બર ૨૦૨૧ના રોજ એમણે ગુજરાતના મુખ્યમંત્રી પદેથી રાજીનામું આપ્યું હતું.