આર બી રણછોડલાલ છોટાલાલ ગર્લ્સ હાઈસ્કુલ

આર. બી. (રાવ બહાદુર) રણછોડલાલ છોટાલાલ ગર્લ્સ હાઈસ્કુલ એ ભારતના ગુજરાત રાજ્યના અમદાવાદ શહેર માં આવેલી એક કન્યા શાળા છે. આ શાળા દેશની સૌથી જૂની કન્યા શાળા (ગર્લ્સ સ્કૂલ)માંની એક છે.

ઇતિહાસ

શાળાની શરૂઆત ગુજરાત વર્નાક્યુલર સોસાયટી દ્વારા ૧૮૯૨ માં કરવામાં આવી હતી. તેનું નામ મુખ્ય દાતા, ગુજરાતના કાપડ મિલના અગ્રણી, રાવ બહાદુર શેઠ રણછોડલાલ છોટાલાલના નામ પરથી આર બી (રાવ બહાદુર) રણછોડલાલ છોટાલાલ ગર્લ્સ હાઇ સ્કૂલ તરીકે રાખવામાં આવ્યું હતું. તે માત્ર શહેરની જ નહીં પણ ગુજરાતની પ્રથમ ગર્લ્સ સ્કૂલ બની હતી. ૨૦મી સદીના પ્રથમ ભાગમાં વિખ્યાત મહિલા કાર્યકર વિદ્યાગૌરી નીલકંઠ દ્વારા શાળાને માર્ગદર્શન આપવામાં આવ્યું હતું.

વર્તમાન સ્થિતિ

જૂના અમદાવાદના ખાડિયા ખાતે આવેલી આ શાળા આજે પણ યુવતીઓને ગુણવત્તાયુક્ત શિક્ષણ પ્રદાન કરે છે. આ શાળાના શિક્ષકને ૧૯૮૮ માં ભારત સરકારનો પ્રતિષ્ઠિત - સીસીઆરટી શિક્ષકોનો એવોર્ડ મળ્યો હતો.