ઇન્દ્રાવતી નદી

ઇન્દ્રાવતી નદી ભારત દેશમાં આવેલી નદીઓ પૈકીની એક મુખ્ય નદી છે, જે ઓરિસ્સા તથા છત્તીસગઢ રાજ્યમાંથી વહે છે. આ નદી ગોદાવરી નદીની ઉપનદી છે.

પ્રવાહ

ઇન્દ્રાવતી નદીનું ઉદગમ સ્થાન ઓરિસ્સા રાજ્યમાં આવેલા કાલાહાંડી જિલ્લામાં રામપુર નજીક આવેલું છે. આ નદીની કુલ લંબાઈ ૨૪૦ માઇલ જેટલી છે. . આ નદી મુખ્યત્વે છત્તીસગઢ રાજ્યના બસ્તર તેમ જ દંતેવાડા જિલ્લામાંથી પસાર થાય છે. દંતેવાડા જિલ્લામાં આવેલા ભદ્રકાલી નજીક ઇન્દ્રાવતી નદી અને ગોદાવરી નદીનો સંગમ થાય છે. આ નદીના પથરીલા તળના કારણે એમાં નૌકાયન કરવું સંભવ નથી.

પર્યાવરણ

ઇંદ્રાવતી રાષ્ટ્રીય ઉદ્યાન

ઇંદ્રાવતી રાષ્ટ્રીય ઉદ્યાન ઇન્દ્રાવતી નદીના કિનારે વસેલું છે. આ ઉદ્યાનનું કુલ ક્ષેત્રફળ ૨૭૯૯ વર્ગ કિમી છે .

ચિત્રકોટનો ધોધ

મુખ્ય લેખ: ચિત્રકોટનો ધોધ

જગદલપુરની નજીકમાં ઇન્દ્રાવતી નદી પર એક વિશાળ જળ પ્રપાત (ધોધ) બનેલો છે. આ જળ પ્રપાત ચિત્રકોટ જલ પ્રપાતના નામથી ઓળખાય છે. આ ધોધના ઘોડાની નાળ સમાન મુખના કારણે આ જળ પ્રપાતને ભારતનો નાયગરા ધોધ પણ કહેવામાં આવે છે.

ચિત્રકોટ જલ પ્રપાત

બાહ્ય કડીઓ

• મેપ્સ ઓફ ઇન્ડીયાની વેબસાઇટ પર ઇન્દ્રાવતી નદી સંગ્રહિત ૨૦૧૦-૦૫-૨૩ ના રોજ વેબેક મશિન
• સેન્ચ્યુરી એશીયાની વેબસાઇટ પર ઈન્દ્રાવતી નદી વિશે એક લેખ સંગ્રહિત ૨૦૦૭-૧૧-૧૧ ના રોજ વેબેક મશિન (અંગ્રેજી ભાષામાં)
• ગુજરાતી વિશ્વકોશમાં ઇન્દ્રાવતી નદી.