કલાપીનો કેકારવ

કલાપીનો કેકારવ સુરસિંહજી તખ્તસિંહજી ગોહિલ "કલાપી" એ લખેલી કાવ્યરચનાઓનો સંગ્રહ છે, જે ૧૯૦૩માં તેમના મૃત્યુ બાદ મણિશંકર રત્નજી ભટ્ટ દ્વારા પ્રકાશિત કરવામાં આવ્યો હતો.

કલાપીનો કેકારવ

લેખક	કલાપી
દેશ	ભારત
ભાષા	ગુજરાતી
પ્રકાર	કાવ્યસંગ્રહ
પ્રકાશક	મણિશંકર રત્નજી ભટ્ટ
પ્રકાશન તારીખ	૧૯૦૩

અવલોકન

ગુજરાતી કવિ અને લાઠીના રાજવી કલાપીએ ઇ.સ. ૧૮૯૨થી ૧૯૦૦ સુધી લખેલી બધી કાવ્યરચનાઓનો સંગ્રહ કલાપીનો કેકારવમાં કરવામાં આવ્યો છે. ૧૯૦૩માં તેમના મૃત્યુ પછી આ ગ્રંથને મણિશંકર રત્નજી ભટ્ટ "કાન્ત"એ પ્રકાશિત કર્યો હતો.

આવકાર

કેકારવની પૂર્વવાણી પુસ્તકમાં આ પુસ્તકની પ્રશંસા કરતાં કવિ ન્હાનાલાલ લખે છે, 'કલાપીનાં અંતરોદગારની ગીતાવલી, કેકારવ એટલે એ યુગની ગુજરાતી કાવ્યપ્રતિભાનાં વરસતા મેઘ. કલાપી એટલે ઘૂઘવતો દરિયો.' ઈન્દ્રવદન દવે કલાપીનો કેકારવની સંવર્ધિત આવૃત્તિની પ્રસ્તાવનામાં જણાવે છે કે 'રસનિરૂપણની શક્તિ, પ્રકૃતિવર્ણનની ચિત્રાત્મક કળા અને વસ્તુઆલેખનની આ છટાના લીધે કલાપીનાં ખંડકાવ્યો કાન્તથી બીજે નંબરે આવી શકે તેમ છે.'

ગુજરાતી વિવેચક અને સંપાદક નવલરામ ત્રિવેદીના મતે આ પુસ્તક મોડું પ્રકાશિત થયું હતું કારણકે જેઓ કલાપીને જાણતા હતા તેઓ તેમના નજીકના લોકોનાં મૃત્યુ પામવાની રાહ જોઈ રહ્યા હતા.

બાહ્ય કડીઓ

• શ્રી કલાપીનો કેકારવ ઇન્ટરનેટ આર્કાઇવ પર (જગન્નાથ દામોદરદાસ ત્રિપાઠી દ્વારા સંપાદીત)