દુધીનો હલવો

દૂધીનો હલવો એ એક હળવા પૌષ્ટિક મિષ્ટાન્નની શ્રેણીમાં આવતી એક મીઠાઈ છે. દૂધી, દૂધ, ખાંડ કે સાકર અને ઘી વાપરીને આ મિઠાઇને તૈયાર કરવામાં આવે છે.

દૂધીનો હલવો

કૃતિ

ઘી સહિત

• એક કડાઈમાં ઘી લો.
• ઘી ગરમ કરો
• દૂધીને સીધી ઘીમાં ખમણો.
• દૂધીનું પાણી ઉડી જાય ત્યાં સુધી તેને સાંતળો.
• દૂધી સંતળાઇ જાય એટલે તેમાં દૂધ ઉમેરો.
• હવે દૂધમાં દૂધીને રાંધો. સાકર ઉમેરો.
• દૂધી રંધાઈ જાય તો બાકી વધેલું દૂધ ઉડાવી દો.
• હલવો થાળી કે બાઉલમાં કાઢી, ગમે તો ગોળ પાપડીની જેમ દાબી દો. અને તેના પર બદામની કાતરી ઉમેરો.

ઘી રહિત

જે લોકો તબિયતના કારણે ઘી ન ખાય કે કેલેરી પ્રત્યે સજાગ હોય તેવા લોકો માટૅ ઘી વિના પણ આ હલવો બનાવી શકાય છે.

• એક કડાઈમાં દૂધ લઈ ગરમ કરવા મૂકો.
• દૂધીને સીધી તેમાં ખમણો.
• દૂધીને રંધાવા દો.
• રંધાઈ રહે તો તેમાં સાકર, ભાવતું એસેંસ ઉમેરો.
• દૂધી રંધાઈ જાય તો બાકી વધેલું દૂધ ઉડાવી દો.
• હલવો થાળી કે બાઉલમાં કાઢી, ગમે તો ગોળ પાપડીની જેમ દાબી દો. અને તેના પર બદામની કાતરી ઉમેરો.

નોંધ

• દૂધી પહેલેથી ખમણી ન રાખવી કેમ કે તેમ કરતાં તે કાળી પડી જશે અને હલવો પણ દેખાવમાં સારો નહીં લાગે.

આ પણ જુઓ

• અંગ્રેજી વિકિપીડિયા પર હલવા વિશે લેખ