દેવીનામાળ પ્રકૃતિ-પ્રવાસન કેન્દ્ર

ગુજરાતના ડાંગ જિલ્લામાં આવેલું પ્રકૃતિ અને પ્રવાસ સ્થળ

દેવીનામાળ પ્રકૃતિ-પ્રવાસન કેન્દ્ર અથવા દેવીનામાળ ઈકો ટુરિઝમ સેન્ટરભારત દેશના પશ્ચિમ ભાગમાં આવેલ ગુજરાત રાજ્યના દક્ષિણ ભાગમાં આવેલ ગાઢ જંગલો અને પર્વતીય ભૂપૃષ્ઠ ધરાવતા ડાંગ જિલ્લાના મુખ્ય મથક આહવા નજીક આવેલ એક પ્રાકૃતિક સ્થળ છે. આ સ્થળ પર આહવા થી ગલકુંડ જતા રાજ્ય ધોરી માર્ગ પર આહવાથી આશરે ૩ કિલોમીટર જેટલા અંતર પછી પશ્ચિમ દિશામાં ૧ કિલોમીટર જેટલા કાચા સડક માર્ગ દ્વારા જઈ શકાય છે.

આ સ્થળને ગુજરાત રાજ્ય વન વિભાગે પ્રકૃતિ-પ્રવાસસ્થળ ( ઇકો ટુરિઝમ ) તરીકે સાચવવાનું તેમ જ પ્રવાસીઓને આકર્ષવાનું નક્કી કર્યું છે.[૧] વિદ્યાર્થીઓ માટે વન્ય સંપત્તિના શૈક્ષેણિક અવલોકન માટે આ અનેરી જગ્યા છે. અહીં વન પર્યાવરણ વિષયની શિબિરોનું આયોજન ગુજરાત રાજ્ય વન વિભાગ તરફથી કરવામાં આવે છે.

આ ઉપરાંત સહેલાણીઓ માટે તંબુઓ, વ્યાખ્યા/માર્ગદર્શન કેન્દ્ર, બાંબુ-માંચડો, રસોઈઘર, વારિગૃહ જેવી સુવિધા ઊભી કરવામાં આવી છે.[૨] ૫૦ થી ૬૦ જણાના જૂથમાં વિદ્યાર્થીઓ, યુવામંડળો, શિક્ષકો, પર્યાવરણ પ્રેમીઓ, સાહસિક સંસ્થાઓ ભાગ લઇ શકે છે. અહીં જવા માટે ડાંગ દક્ષિણ વન વિભાગના અધિકારી, રેંજ ફોરેસ્ટ ઓફિસ, આહવાનો સંપર્ક કરી શકાય છે.

સંદર્ભોફેરફાર કરો

  1. "Dang beckons tourists this monsoon". ધ ટાઇમ્સ ઓફ ઇન્ડિયા. ૩૧ ઓગસ્ટ ૨૦૧૬. મેળવેલ ૨૪ જુલાઇ ૨૦૧૭.
  2. Italia, Janak (૫ ઓગસ્ટ ૨૦૧૪). "Gujaratinfo.org: Devinamal Eco-tourism Campsite, Dangs, Gujarat". Gujaratinfo.org. મેળવેલ ૨૪ જુલાઇ ૨૦૧૭.

બાહ્ય કડીઓફેરફાર કરો