ધનૌલ્ટી (મસૂરી)
ધનૌલ્ટી (મસૂરી) એ ભારત દેશના ઉત્તર ભાગમાં આવેલા ઉત્તરાખંડ રાજ્યના તેહરી ગઢવાલ જિલ્લામાં ઊંચાઈ પર આવેલું એક શાંત સ્થળ છે, જે વર્તમાન સમયમાં ગિરિમથક (હિલ-સ્ટેશન) તરીકે વિકસી રહ્યું છે. આ સ્થળ મસૂરી થી ૨૪ કિલોમીટર અને ચંબા ગિરિમથકથી ૨૯ કિલોમીટર જેટલા અંતરે મસૂરી-ચંબા માર્ગ પર આવેલું છે[૧].
અહીં પર્યટકો મોટી સંખ્યામાં આવે છે. અહીં કેટલીક ખાનગી હોટલો ઉપરાંત ગઢવાલ વિકાસ મંડલનું પ્રવાસી-ઘર (ગેસ્ટ હાઉસ) આવેલું છે. અહીનું ઠંડું વાતાવરણ, પર્વતના ઢોળાવો, ખીણો, બરફીલા પર્વતોનું દર્શન, લીલુંછમ દેવદારનું ગાઢ જંગલ રજાઓ વિતાવવા માટેનું આદર્શ ગિરિમથક છે. અહીં શિયાળાની ઋતુમાં બરફ-વર્ષા પણ માણી શકાય છે. અહીં આસપાસમાં બારેહીપાની ધોધ, જોરાંડા ધોધ, દશાવતાર મંદિર, ઈકો પાર્ક, સુરકન્ડા દેવી મંદિર, હિમાલયન વણકરો (વીવર્સ), જૈન મંદિર વગેરે જોવાલાયક સ્થળો છે.
સંદર્ભો ફેરફાર કરો
- ↑ [૧] સંગ્રહિત ૨૦૦૮-૦૨-૨૨ ના રોજ વેબેક મશિન Places of Interest Official website of Tehri Garhwal district
Coordinates: 30°45′00.00″N 78°25′00.00″E / 30.7500000°N 78.4166667°E
બાહ્ય કડીઓ ફેરફાર કરો
