ફ્લાઈંગ રાની

ફ્લાઈંગ રાની
પ્રાથમિક વિગતો
સેવા પ્રકાર	સુપરફાસ્ટ
પ્રથમ સેવા	૧૯૦૬
વર્તમાન પ્રચાલકો	પશ્ચિમ રેલ્વે
માર્ગ
શરૂઆત	મુંબઈ સેન્ટ્રલ
રોકાણો	૧૨
અંત	સુરત
મુસાફરીનું અંતર	263 km (163 mi)
સરેરાશ યાત્રા સમય	૪ કલાક ૪૦ મિનિટ
સેવા આવર્તન	રોજ
ટ્રેન નંબર	૧૨૯૨૧/૧૨૯૨૨
આંતર સેવાઓ
મુસાફરી વર્ગો	એસી ચેર કાર, ફર્સ્ટ ક્લાસ, ડબલ ડેકર સેકન્ડ ક્લાસ
બેઠક વ્યવસ્થાઓ	હા
ઊંઘવાની વ્યવસ્થાઓ	ના
ભોજન-વ્યવસ્થા (કેટરિંગ) સુવિધાઓ	ના
તકનિકી
ટ્રેક ગેજ	૧,૬૭૬ mm (5 ft 6 in)
સંચાલન ઝડપ	110 km/h (68 mph) મહત્તમ ; 55.96 km/h (35 mph), સ્ટોપ સાથે

ફ્લાઇંગ રાની (૧૨૯૨૧/૧૨૯૨૨) ભારતીય રેલ્વેની એક સુપરફાસ્ટ એક્સપ્રેસ ટ્રેન છે જે મુંબઈ સેન્ટ્રલ (BC) અને સુરત (ST) વચ્ચે ચાલે છે. તે દૈનિક સેવા છે. તે સુરતથી મુંબઇ સેન્ટ્રલ ટ્રેન નંબર ૧૨૯૨૨ અને ટ્રેન નંબર ૧૨૯૨૧ તરીકે વિરુદ્ધ દિશામાં ચાલે છે.^[૧] ^[૨]

ડબ્બાઓ

ફ્લાઇંગ રાની હાલમાં ૨ એસી ચેર કાર, ૩ જનરલ સેકન્ડ ક્લાસ, ૧ ફર્સ્ટ ક્લાસ અને ૧૨ ડબલ ડેકર બિન એસી કોચ ધરાવે છે. આ ટ્રેનમાં અગાઉ પેન્ટ્રી કાર (રસોડું)ની સુવિધા હતી હવે તેને દૂર કરવામાં આવી છે અને તેને બદલે સેકન્ડ ચેર કાર કોચ જોડાવામાં આવ્યો છે.

સેવા

ફ્લાઇંગ રાનીનું પોસ્ટર

ફ્લાઇંગ રાની સૌ પ્રથમ ૧૯૦૬ માં અઠવાડિક ટ્રેન તરીકે શરૂ કરવામાં આવી હતી. આ સેવા ૧૯૦૬થી ૧૯૩૯ સુધી ચાલી. ત્યાર બાદ બીજા વિશ્વયુદ્ધને કારણે તેને બંધ કરવામાં આવી અને ત્યાર બાદ ઘણી વાર ચાલુ અને બંધ કરવામાં આવી. આખરે ૧ નવેમ્બર ૧૯૫૦ ના દિવસે તેણે ફરી કામગીરી શરૂ કરી અને ત્યારથી તે ચાલી રહી છે. ૧૮ ડિસેમ્બર ૧૯૭૯ ના દિવસે ફ્લાઇંગ રાનીના રેકમાં ડબલ ડેકર કાર ઉમેરવામાં આવી હતી. હાલમાં તે દૈનિક સેવા છે.^[૩] ^[૪] ^[૫]

આ ટ્રેન ૪ કલાક ૪૦ મિનિટમાં ૨૬૩ કિલોમીટરનું અંતર ક્રમાંક ૧૨૯૨૨ હેઠળ ૪ કલાક ૪૦ મિનિટમાં (૫૬.૩૫ કિમી/કલાક) અને ક્રમાંક ૧૨૯૨૧ હેઠળ ૪ કલાક ૪૦ મિનિટ (55.37 કિમી/કલાક)માં પૂર્ણ કરે છે.

ટ્રેક્શન

આ ટ્રેન સામાન્ય રીતે ડ્યુઅલ ટ્રેક્શન ડબલ્યુસીએએમ-1 લોકોમોટિવનો ઉપયોગ કરે છે. પશ્ચિમ રેલ્વેએ ૫ ફેબ્રુઆરી ૨૦૧૨ ના દિવસે ડીસી ઇલેક્ટ્રિક થી એસીમાં રૂપાંતરણ પૂર્ણ કર્યું.

તેથી હવે તે વડોદરા સ્થિત ડબ્લ્યુએપી-7 અથવા ડબ્લ્યુએપી-5 અથવા ડબ્લ્યુએપી-4 એ લોકોમોટિવ દ્વારા નિયમિત રીતે ચલાવવામાં આવે છે.