VikramVajir

ઉચ્ચ યોગ્યતા સાથે સ્નાતક થવાથી લેનિને ૧૮૮૭માં કઝાન વિશ્વવિદ્યાલયમાં કાયદા વિભાગમાં પ્રવેશ મેળવ્યો પણ ટૂંક સમયમાં જ વિદ્યાર્થીયોના ક્રાંતિકારી પ્રદર્શનમાં ભાગ લેવા બદલ વિશ્વવિદ્યાલયમાંથી કાઢી મૂકવામાં આવ્યા હતા. ઇ.સ. ૧૮૮૯માં તેઓ સમારા ચાલ્યા જ્યાં તેમણે એક સ્થાનિક માર્ક્સવાદીઓની એક મંડળીનું સંગઠન કર્યું. ૧૮૯૧માં તેમણે સેંટ પીટર્સબર્ગ વિશ્વવિદ્યાલયથી કાયદાની પરીક્ષામાં ઉપાધિ મેળવી અને સમારામાં જ વકીલાત કરવાનું પ્રારંભ કર્યું. ૧૮૯૩માં તેમણે સેંટ પીટર્સબર્ગને જ પોતાનું નિવાસસ્થાન બનાવી લીધું હતું . અને ટૂંક સમયમાં જ તેઓ ત્યાનાં માર્ક્સવાદીઓના બહુમૂલ્ય નેતા બની ગયા હતા. ત્યાંજ સુશ્રી કૃપ્સકાયાથી , જેઓ શ્રમિકોમાં ક્રાંતિનો પ્રચાર કરવામાં જોડાયેલ હતા તેમના પરિચયમાં આવ્યા. ત્યાર બાદ લેનિનના ક્રાંતિકારી સંઘર્ષમાં જવીનભર તેણીનો ઘનિષ્ઠ સહયોગ મળતો રહ્યો.

ઇ.સ. ૧૮૯૫માં લેનિનને કારાગૃહમાં પુરી લેવાયા અને ૧૮૯૭માં ત્રણ વર્ષ માટે પૂર્વી સાઈબેરિયાના એક સ્થળમાં (નિર્વાસિત)દેશવટો આપવામાં આવ્યો .કેટલાક સમય પછી કૃપ્સકાયાને પણ નિર્વાસિત થઈ ત્યાં જવું પડ્યું અને ત્યાં લેનિન સાથે તેનો વિવાહ સંબંધ થયો હતો. તે સમય દરમિયાન લેનિને ૩૦ જેટલી પુસ્તકો લખી,જેમાં એક હતી ‘રૂસમાં મૂડીવાદનો વિકાસ’ .