ધનરાજ નથવાણી

ધનરાજ પરિમલ નથવાણી (જન્મ ૫ ફેબ્રુઆરી ૧૯૮૬) રિલાયન્સ ઇન્ડસ્ટ્રીઝ લિમિટેડના ગ્રુપ પ્રેસિડેન્ટ અને ગુજરાત ક્રિકેટ એસોસિએશનનાં વાઇસ પ્રેસિડેન્ટ છે.

ધનરાજ પરિમલ નથવાણી
જન્મની વિગત	(1986-02-05) 5 February 1986 મુંબઇ, મહારાષ્ટ્ર્, ભારત
રાષ્ટ્રીયતા	ભારતીય
શિક્ષણ	રીજેન્ટસ્ બિઝનેસ સ્કુલ, લંડન (ઈન્ટરનેશનલ બિઝનેસ) નેશનલ ઈન્સ્ટિટ્યુટ ઓફ્ મેનેજમેન્ટ એન્ડ ટેકનોલોજી (એમ.બી.એ)
વ્યવસાય	ગ્રુપ પ્રેસિડેન્ટ, રિલાયન્સ ઇન્ડસ્ટ્રીઝ લિમિટેડ વાઇસ પ્રેસિડેન્ટ, ગુજરાત ક્રિકેટ એસોસિએશન
જીવનસાથી	ભુમિ નથવાણી (લ. 2014)
માતા-પિતા	પરિમલ નથવાણી (પિતા) વર્ષા નથવાણી (માતા)
વેબસાઇટ	www.dhanrajnathwani.com

પ્રારંભિક જીવન

ધનરાજ નથવાણીનો જન્મ ૫ ફેબ્રુઆરી ૧૯૮૬માં બિઝનેસમેન અને રાજનેતા પરિમલ નથવાણી અને વર્ષા નથવાણીને ત્યાં થયો હતો.

શિક્ષણ

ધનરાજ નથવાણીએ ઈન્ટરનેશનલ બિઝનેસનો અભ્યાસ રીજેન્ટસ્ બિઝનેસ સ્કુલ, લંડનથી કર્યો છે. આ ઉપરાંત એમ.બી.એનો અભ્યાસ નેશનલ ઈન્સ્ટિટ્યુટ ઓફ્ મેનેજમેન્ટ એન્ડ ટેકનોલોજીથી કર્યો છે. સ્નાતક થયા બાદ, તેમને રિલાયન્સ ઇન્ડસ્ટ્રીઝ લિમિટેડના ગ્રુપ પ્રેસિડેન્ટ બનાવવામાં આવ્યા હતા.

કારકિર્દી

ધનરાજ નથવાણી રિલાયન્સ ઇન્ડસ્ટ્રીઝ લિમિટેડનાં ગ્રુપ પ્રેસિડેન્ટ છે.

૨૮ સપ્ટેમ્બર ૨૦૧૯, અમદાવાદમાં ગુજરાત ક્રિકેટ એસોસિએશનાં વાઈસ પ્રેસિડેન્ટ પદે ધનરાજ નથવાણી બિનહરીફ ચુંટાયા હતાં.

ગુજરાત ક્રિકેટ એસોસિએશનાં વાઈસ પ્રેસિડેન્ટ તરીકે, ફેબ્રુઆરી ૨૦૨૦માં વિશ્વનાં સૌથી મોટા નવનિર્મિત ક્રિકેટ સ્ટેડિયમ ખાતે યોજાયેલ અમેરિકન પ્રમુખ ડોનાલ્ડ ટ્રમ્પ અને ભારતનાં વડાપ્રધાન નરેન્દ્ર મોદી માટે યોજાયેલ "નમસ્તે ટ્રમ્પ" ઇવેન્ટ આયોજીત કરવામાં મહત્વનો ભાગ ભજવ્યો હતો.

તેઓ અમદાવાદમાં બનાવવામાં આવેલ નરેન્દ્ર મોદી ક્રિકેટ સ્ટેડિયમનાં નિર્માણ માટેની મુખ્ય ટીમનાં અગત્યનાં સભ્ય હતા. કહેવાય છે કે આ પ્રોજેકટ, ભારતનાં વડાપ્રધાન નરેન્દ્ર મોદી માટે તેઓ જ્યારે અમિત શાહથી પણ પહેલાં તેઓ જ્યારે જી.સી.એ.નાં પ્રમુખ હતાં તે પહેલાંનો મહત્વાકાંક્ષી પ્રોજેકટ હતો. આ જ સ્ટેડિયમનાં ઉદ્ઘાટનમાં પણ તેમણે મહત્વનો ભાગ ભજવ્યો હતો. જી.સી.એનાં વાઇસ પ્રેસિડેન્ટ તરીકે, ભારતની સ્થાનીક ક્રિકેટ ટુર્નામેન્ટ આઇ.પી.એલ ૨૦૨૧નાં આયોજનમાં તેમણે મહત્વનો ભાગ ભજવ્યો હતો, જે કોવિડ-૧૯ ને પગલે સ્થગિત કરવામાં આવી.

દ્વારકા દેવસ્થાન સમિતિ કે જે દ્વારકાધીશ મંદિરના વિકાસ અને મંદિરની મુલાકાતે આવતા ભક્તોની સુવિધાઓ માટે વિકસાવવામાં આવતી સગવડોનું સંચાલન કરે છે, તેના તેઓ વાઇસ ચેરમેન છે.

અંગત જીવન

૧૭ ફેબ્રુઆરી ૨૦૧૪ના રોજ ધનરાજ નથવાણીનાં લગ્ન ગુજરાતી રીત-રીવાજથી ભુમી સાથે અહેમદાબાદ, ગુજરાતમાં થયાં હતા, જેમાં ત્યારના ગુજરાતના મુખ્યમંત્રી નરેન્દ્ર મોદી, અમીત શાહ, મુકેશ અંબાણી અને અહેમદ પટેલ વગેરે મહાનુભાવો આવ્યા હતા.