નમસ્તે ટ્રમ્પ

નમસ્તે ટ્રમ્પ (શૈલીકીય રીતે नमस्ते TRUMP) એ ભારતમાં ૨૪ અને ૨૫ ફેબ્રુઆરી ૨૦૨૦ના રોજ યોજાયેલી પ્રવાસકીય ઘટના હતી. અમેરિકાના રાષ્ટ્રપ્રમુખ ડોનાલ્ડ ટ્રમ્પ અને તેમના પરિવારની ભારત મુલાકાતની શરૂઆત હતી. સપ્ટેમ્બર ૨૦૧૯માં ટેક્સસના હ્યુસ્ટનમાં આયોજીત " હાઉડી મોદી" કાર્યક્રમને મળેલા પ્રતિસાદ રૂપે, આ નામની રેલી ઇવેન્ટ ગુજરાતના અમદાવાદમાં યોજવામાં આવી હતી અને તે પ્રવાસની વિશેષતા હતી. સરદાર પટેલ સ્ટેડિયમ (જે મોટેરા સ્ટેડિયમ તરીકે પણ ઓળખાય છે) રાષ્ટ્રપ્રમુખ ટ્રમ્પ અને તેમના પરિવાર સાથે ભારતના વડાપ્રધાન નરેન્દ્ર મોદીનું યજમાન હતું. ૧,૦૦,૦૦૦થી વધુ લોકોની હાજરી નોંધવામાં આવી હતી, જેમાં કેટલાકે હાજરી ૧,૨૫,૦૦૦ જેટલી હોવાનું જણાવાયું હતું. આ પ્રવાસનું મૂળ નામ "કેમ છો ટ્રમ્પ" હતું, પરંતુ ભારત સરકાર દ્વારા તેનું નામ બદલીને પ્રાદેશિકતાને બદલે ભારતીય રાષ્ટ્રવાદને પ્રોત્સાહન અપાયું હતું.

નમસ્તે ટ્રમ્પ

અમેરિકી રાષ્ટ્રપ્રમુખ ડૉનાલ્ડ ટ્રમ્પ અને ભારતીય વડાપ્રધાન નરેન્દ્ર મોદી
તારીખ	24 February 2020 (2020-02-24) – 25 February 2020 (2020-02-25)
સમયગાળો	૨ દિવસો
સ્થાન	મોટેરા સ્ટૅડિયમ, અમદાવાદ, ગુજરાત
Theme	પરંપરાગત
સંચાલક	ભારત સરકાર
ભાગ લેનારાઓ	૧,૦૦,૦૦૦-૧,૨૫,૦૦૦

કાર્યક્રમના વિડિયો દ્રશ્યો

બપોરે સ્ટેડિયમમાં મુખ્ય કાર્યક્રમનું આયોજન કરવામાં આવ્યું હતું અને તે રાષ્ટ્રપ્રમુખની ભારત મુલાકાતની વિશેષતા હતી. આ ઘટના અમેરિકન રાષ્ટ્રપ્રમુખ અને ભારતીય વડાપ્રધાન માટે એક બીજા સાથે તેમના મૈત્રીપૂર્ણ સંબંધો પ્રદર્શિત કરવા માટે એક મંચ પૂરું પાડ્યું હતું. પ્રારંભિક અહેવાલો દર્શાવતા હતા કે ટ્રમ્પ મોટેરા સ્ટેડિયમનું ઉદ્ઘાટન કરશે, પણ પાછળથી તેને "અટકળો અને ધારણા" તરીકે અવગણવામાં આવ્યા.