ધબક
ગુજરાતી ભાષાનું ત્રિમાસિક ગઝલ સામયિક
ધબક એ ગુજરાત, ભારતમાંથી પ્રકાશિત થતું ગુજરાતી ભાષાનું ત્રિમાસિક ગઝલ સામયિક છે. તેનું સંપાદન રશીદ મીર દ્વારા કરવામાં આવે છે. તે ગુજરાતી ગઝલના વિકાસ, પ્રચાર અને તેના સ્વરૂપને સમર્પિત છે.[૧]
| સંપાદક(કો) | રશીદ મીર |
|---|---|
| વર્ગ | સાહિત્ય |
| આવૃત્તિ | ત્રિમાસિક |
| બંધારણ | |
| સ્થાપક | રશીદ મીર |
| સ્થાપના વર્ષ | ૧૯૯૧ |
| દેશ | ભારત |
| મુખ્ય કાર્યાલય | વડોદરા |
| ભાષા | ગુજરાતી |
ઇતિહાસ
ફેરફાર કરોધબકની સ્થાપના ૧૯૯૧માં[૨]:૨૬૦ રશિદ મીર દ્વારા ગુજરાતી લેખક જયંત પાઠકના સૂચનથી કરવામાં આવી હતી. પ્રવિણ દરજીએ પત્રિકાનું નામ સૂચવ્યું હતું.[૩] ‘ગઝલને જ વરેલું ત્રૈમાસિક’ એ તેનો મુદ્રાલેખ છે.[૨]:૨૬૧
વિષયવસ્તુ
ફેરફાર કરોધબક ગઝલ, વિવેચન અને ગઝલસંગ્રહની સમીક્ષા, જીવનચરિત્ર અને ગઝલકારોની મુલાકાતો પ્રકાશિત કરે છે. તે ઉર્દૂ ગઝલના કવિઓ અને તેમની કૃતિઓ પર પણ મહત્વપૂર્ણ લેખો પ્રકાશિત કરે છે. ‘પ્રયોગશીલ ગઝલ વિશેષાંક’ (સપ્ટેમ્બર ૧૯૯૨), ‘ફારસી કાવ્યશાસ્ત્ર વિશેષાંક’ (માર્ચ ૧૯૯૫), ‘શૂન્ય પાલનપુરી વિશેષાંક’ (જૂન ૧૯૯૯) એ તેના ખૂબ જ આવકાર પામેલા ગઝલ વિશેષાંકો છે.[૨]:૨૬૦
આ પણ જુઓ
ફેરફાર કરો- ગઝલવિશ્વ, ત્રિમાસિક ગુજરાતી ગઝલ સામયિક
- શબ્દસૃષ્ટિ, ગુજરાતી સાહિત્ય સામયિક
- કવિલોક, ગુજરાતી ભાષાનું દ્વિમાસિક કવિતાનું સામયિક
સંદર્ભ
ફેરફાર કરો- ↑ "આપણા સામયિકો". Aksharnaad.com. 29 June 2012. મેળવેલ 10 March 2016.
- ↑ ૨.૦ ૨.૧ ૨.૨ જાદવ, વિનાયક (2015). ગુજરાતી સાહિત્યિક પત્રકારત્વ : પ્રવાહો અને પ્રયોગો. અમદાવાદ: ડૉ. વિનાયક જાદવ. પૃષ્ઠ 424. ISBN 978-93-83814-46-6.
- ↑ હસિત મહેતા (2012). સાહિત્યિક સામયિકો : પરંપરા અને પ્રભાવ. અમદાવાદ: રન્નાદે પ્રકાશન. પૃષ્ઠ 136. ISBN 978-93-82456-01-8.