મકરંદ મહેતા

મકરંદ મહેતા (જન્મ ૨૫ મે ૧૯૩૧) એ ગુજરાત, ભારતના એક સામાજિક અને આર્થિક ઇતિહાસકાર છે.

મકરંદ મહેતા; જાન્યુઆરી ૨૦૨૦માં

જીવનચરિત્ર

મકરંદ મહેતાનો જન્મ ૨૫ મે ૧૯૩૧ ના રોજ અમદાવાદમાં એક નાગર બ્રાહ્મણ પરિવારમાં થયો હતો.

તેમણે વડોદરાની મહારાજા સયાજીરાવ યુનિવર્સિટી, પેન્સિલ્વેનીયા યુનિવર્સિટી અને ગુજરાત યુનિવર્સિટીમાંથી અભ્યાસ કર્યો છે.

નિવૃત્તિ પહેલાં તેમણે ગુજરાત યુનિવર્સિટીના સ્કૂલ ઑફ સાયન્સિસમાં ઇતિહાસ વિભાગનું નેતૃત્વ કર્યું હતું. તેઓ ગુજરાત ઇતિહાસ પરિષદ, ગુજરાત વિદ્યાસભા અને દર્શક ઇતિહાસ નિધિ સહિત અનેક સંસ્થાઓ સાથે સંકળાયેલા છે.

કારકિર્દી

મહેતાએ અંગ્રેજી અને ગુજરાતીમાં ૨૦થી વધુ પુસ્તકો લખ્યા છે. તેમણે સામાજિક અને આર્થિક ઇતિહાસ પર પણ ઘણાં શોધપત્રો પ્રકાશિત કર્યા છે.

તેમની મહત્ત્વની કૃતિઓ છે:

• અમદાવાદ કોટન ટેક્સટાઇલ ઉદ્યોગ : જિનેસિસ અને ગ્રોથ
• અર્બનાઇઝેશન  : અ હિસ્ટોરીકલ પરસ્પેક્ટીવ
• બિઝનેસ હાઉસીસ ઇન વેસ્ટર્ન ઇન્ડિયા : અ સ્ટડી ઇન્ એન્ટરપ્રેન્યુરિયલ રેસ્પોન્સ ૧૮૫૦-૧૯૫૬ (સહ લેખક)
• રીજીયોનલ રૂટ્સ ઑફ ઇન્ડિયન નેશનાલીઝમ
• મરચન્ટ્સ એન્ડ પોર્ટસ
• ઇન્ડિયન મરચન્ટ્સ એન્ડ એન્ટરપ્રેન્યુર્સ ઇન હિસ્ટોરિકલ પર્સ્પેક્ટિવ : વીથ સ્પેશ્યલ રેફરન્સ ટુ શ્રોફ્સ ઑફ ગુજરાત, (૧૭ ટુ ૧૯ સેન્ચ્યુરીઝ)
• મરચન્ટ્સ એન્ડ પોર્ટ્સ ઓફ ગુજરાત
• હિસ્ટરી ઓફ ઇન્ટરનેશનલ ટ્રેડ્ એન્ડ કસ્ટમ્સ ડ્યુટીઝ ઇન ગુજરાત
• ગુજરાતનો રજવાડી વારસો (ગુજરાતી)
• ગુજરાત અને દરિયો (ગુજરાતી)
• કસ્તુરભાઇ લાલભાઇ (ગુજરાતી)
• ગુજરાતના ઘડવૈયા: સ્વવિકાસની પ્રાયોગશાળા (ગુજરાતી)
• ઇતિહાસ, સમાજ એ સાહિત્ય ગુજરાત (ગુજરાતી)
• હિન્દુ વર્ણવાવસ્થા, સમાજ પરિવર્તન અને ગુજરાતના દલિતો (ગુજરાતી)

અંગત જીવન

તેમણે ઈતિહાસકાર શિરીન મહેતા સાથે લગ્ન કરેલ છે.

આ પણ જુઓ

• ગુજરાતી ભાષાના લેખકોની સૂચિ

બાહ્ય કડીઓ

• મકરંદ મહેતાનું સર્જન ગુગલ બુક્સ પર