મેકણ દાદા

મેકણ દાદા અથવા મેકરણ દાદા (વિક્રમ સંવત ૧૭૨૦-૧૭૮૬ - ઇસ. ૧૬૬૬-૧૭૨૯) એ કચ્છના કબીર તરીકે ઓળખાતા એક કાપડી સંત હતા. સંત કબીરની માફક તેમણે કચ્છી ભાષામાં અનેક દોહાઓની રચના કરી છે.

મેકણ દાદા
જન્મની વિગત	૧૬૬૬ ખોભંડી, કચ્છ
મૃત્યુ	૧૭૨૯ ધ્રંગ, કચ્છ
વ્યવસાય	હિંદુ સંત, ધાર્મિક ગુરૂ
માતા-પિતા	હળદોરજી, ફાયાબાઈ

જીવન

તેમનો જન્મ કચ્છ જિલ્લાના ખોભંડી ગામમાં થયો હતો. તેમના પિતાનું નામ હળદોરજી અને માતાનું નામ ફાયાબાઈ હતું, તેમનું બાળપણનું નામ મેકોજી હતું જે તેમની માતાએ પાડ્યું હતું. ૧૨ વર્ષની ઉંમરે જ તેમણે સાધુ તરીકે દીક્ષા લીધી હતી, દીક્ષા લીધા બાદ તે મેકણ કે મેકરણ કરાયું હતું. તેઓ હંમેશા પોતાના ખભા પર કાવડમાં રોટલો અને પાણી ભરીને કચ્છના રણમાં ભૂખ્યાંતરસ્યાં લોકોને પૂરું પાડતા. તેમની સાથે મોટે ભાગે એક 'લાલીયો' નામનો ગધેડો અને 'મોતિયો' નામનો કૂતરો રહેતા. તેમણે તેમના ૧૧ શિષ્યો સાથે ધ્રંગ ગામમાં સમાધિ લીધી હતી.

મેકણ દાદાનો મેળો

ધ્રાંગમાં મહાશિવરાત્રીના દિવસે મેળાનું આયોજન કરવામાં આવે છે.