રતિલાલ બોરીસાગર

રતિલાલ બોરીસાગર ગુજરાતી ભાષાના હાસ્યલેખક, નિબંધકાર સાહિત્યકાર છે.

રતિલાલ બોરીસાગર
રતિલાલ બોરીસાગર ગુજરાતી વિશ્વકોશ ટ્રસ્ટ ખાતે, ફેબ્રુઆરી ૨૦૧૯
જન્મ	(1938-08-31) 31 August 1938 સાવરકુંડલા
વ્યવસાય	શિક્ષક, પ્રોફેસર, સરકારી ઓફિસર
ભાષા	ગુજરાતી
રાષ્ટ્રીયતા	ભારતીય
શિક્ષણ	એમ.એ., બી.એડ., પીએચ.ડી.
નોંધપાત્ર પુરસ્કારો	સાહિત્ય અકાદમી પુરસ્કાર (૨૦૧૯)
જીવનસાથી	સુશીલાબહેન
માતા-પિતાઓ	સંતોષબહેન, મોહનલાલ
શૈક્ષણિક પાર્શ્વભૂમિકા
શોધ નિબંધ	ગુજરાતીમાં સાહિત્યિક સંપાદન: વિવેચનાત્મક અધ્યયન (૧૯૮૯)
માર્ગદર્શક	ચંદ્રકાન્ત શેઠ

જીવન

તેમનો જન્મ ૩૧ ઓગસ્ટ, ૧૯૩૮ના દિને સૌરાષ્ટ્ર વિસ્તારમાં આવેલા સાવરકુંડલા ખાતે થયો હતો. તેમણે એમ.એ., બી.એડ. તથા ૧૯૮૯માં સાહિત્યિક સંપાદન : વિવેચનાત્મક અધ્યયન વિષય પર પીએચ.ડી. ની પદવી મેળવી. ત્યાર બાદ તેઓ શિક્ષક, પ્રોફેસર, સરકારી ઓફિસર જેવી વિવિધ નોકરીઓ કરી ક્લાસ-વન ગેઝેટેડ ઓફિસર તરીકે ગુજરાત સરકારના ઉચ્ચ હોદ્દા પર રહ્યા હતા. તેઓ ગુજરાતી સાહિત્ય પરિષદના વહીવટી મંત્રી રહ્યા હતા. તેમને ગુજરાતી સાહિત્ય પરિષદ તરફથી જ્યોતીન્દ્ર દવે પારિતોષિકથી નવાજવામાં આવ્યા છે.

સર્જન

તેમની મુખ્ય રચનાઓમાં મરકમરક, આનંદલોક, અર્વાચીન ગુજરાતી હાસ્ય રચનાઓ નામે હાસ્ય લેખ, સંભવામિ યુગે યુગે નામે લઘુનવલ તથા બાલ વન્દના નામે બાલસાહિત્ય આપી છે.

સન્માન

૨૦૧૯માં તેમને નિબંધસંગ્રહ મોજમાં રેવું રે! માટે સાહિત્ય અકાદમી પુરસ્કાર (૨૦૧૯) પ્રાપ્ત થયો હતો.

બાહ્ય કડીઓ

• ગુજરાતી વિશ્વકોશમાં રતિલાલ બોરીસાગર.
• રતિલાલ બોરીસાગર ગુજલિટ પર.
• ‘એન્જોય’ગ્રાફર રતિલાલ બોરીસાગર દિવ્ય ભાસ્કર સમાચારપત્ર
• ગુજરાતી સાહિત્ય પરિષદ પર પરિચય