રૂદ્રમાતા બંધ

રૂદ્રમાતા બંધ પશ્ચિમ ભારતના ગુજરાત રાજ્યના કચ્છ જિલ્લામાં આવેલી ખારી નદી પર કચ્છનો સૌથી મોટો માટી બંધ છે. તે ભુજથી ૧૫ કિમીના અંતરે, ભુજ તાલુકાના નોખાણીયા ગામે આવેલો છે અને ભુજ નજીકના પ્રવાસન સ્થળોમાં તેનો સમાવેશ થાય છે.

આ બંધ રૂદ્રાણી બંધ તરીકે પણ ઓળખાય છે. તેનું નિર્માણ ૧૯૫૮માં શરૂ થયું હતું અને ૧૯૭૦માં પૂર્ણ થયું હતું. બંધનો કેચમેન્ટ એરિયા (સ્ત્રાવ વિસ્તાર) ૫૭૨ ચો.કિમી. છે અને કુલ સંગ્રહ ક્ષમતા ૬૫ ઘન કિમી છે. આ કૃત્રિમ જળાશય ભુજની આસપાસના નિર્જન વિસ્તારોમાં પાણી પહોંચાડે છે.

બંધની નજીક લગભગ ૪૦૦ વર્ષ જૂનું રૂદ્રમાતા મંદિર આવેલું છે. મંદિરના સંકુલમાં અન્ય દેવી -દેવતાઓને સમર્પિત નાના મંદિરો છે.