પ્રશ્નચિહ્ન

૧. પ્રશ્નરૂપે પૂરેપૂરો વિચાર દર્શાવાતો હોય તો વાક્યને અંતે પ્રશ્નચિહ્ન મુકાય છે. જેમકે,

• સંપના અભાવે ભારતને શું ઓછું સહન કરવું પડ્યું છે ?

?
પ્રશ્નચિહ્ન
વિરામચિહ્નો પૂર્ણ વિરામ ( . ) અલ્પ વિરામ ( , ) પ્રશ્નચિહ્ન ( ? ) ઉદ્‌ગારચિહ્ન ( ! ) અર્ધ વિરામ ( ; ) ગુરુ કે મહાવિરામ ( : ) વિગ્રહરેખા ( – ) ગુરુ કે મહારેખા ( — ) અવતરણ ચિહ્ન ( ‘ ’, “ ”, ' ', " " ) કૌંસ ( (), [], {} ) લોપકચિહ્ન ( ’ )

૨. મિશ્રવાક્યમાં આ ચિહ્ન મૂકતાં નીચેની બાબતો ધ્યાનમાં રાખવી:

• મુખ્ય વાક્યમાં પ્રશ્ન હોય તો પ્રશ્નચિહ્ન વાપરવું જ. જેમકે,
  • કોણ કહે છે કે તે પ્રમાણિક નથી ?

• ગૌણવાક્યમાં પ્રશ્ન હોય પરંતુ તે વાક્યને અંતે આવ્યું હોય તો પણ પ્રશ્નચિહ્ન મૂકવું. જેમકે,
  • તે બોલ્યો, તમે અમદાવાદથી ક્યારે પાછા ફરશો ?

• ગૌણવાક્યમાં પ્રશ્ન હોય અને તે વાક્યની શરૂઆતમાં આવ્યું હોય તો પ્રશ્નચિહ્ન મુકાતું નથી. જેમકે,
  • તમે અમદાવાદથી ક્યારે પાછા ફરશો એમ તેણે પૂછ્યું.

૩. આજ્ઞાના સ્વરૂપમાં પ્રશ્ન હોય તો પ્રશ્નચિહ્ન મુકાતું નથી, પણ પૂર્ણવિરામ જ મુકાય છે. જેમકે,

• ફ્રાન્સની રાજધાની કહો.
• નામના પ્રકાર ગણાવો.