બાલારામ પેલેસ

બાલારામ પેલેસ અથવા બાલારામ પેલેસ રીસોર્ટ ગુજરાતની ઉત્તરે આવેલા બનાસકાંઠા જિલ્લાના ચિત્રાસણી ગામમાં બાલારામ નદીને કાંઠે આવેલો મહેલ છે. આ મહેલને હવે હોટેલ અને પ્રવાસી આકર્ષણ તરીકે પરિવર્તિત કરવામાં આવ્યો છે. અમિતાભ બચ્ચનની સૂર્યવંશમ, અર્જુન રામપાલની દિલ તુમ્હારા હૈ જેવા બોલીવુડ ચલચિત્રોનું છાયાચિત્રણ અહીં થયું હતું.

બાલારામ પેલેસ
બાલારામ પેલેસ, ૨૦૨૩
સામાન્ય માહિતી
નગર અથવા શહેર	ચિત્રાસણી
દેશ	ભારત
પૂર્ણ	૧૯૨૨ થી ૧૯૩૬
અસીલ	તાલે મહંમદ ખાન
તકનિકી માહિતી
માપ	૫૪૨ ચોરસ કિ.મી.

મહેલમાં નવઆધુનિક શૈલીના થાંભલાઓ અને યુરોપિયન કમાનો સાથેની અગાસી આવેલી છે. મહેલ અને નદીની વચ્ચે સ્નાનાગાર આવેલું છે. પેલેસ નદીના પટ, ઝાડીઓ, ખેતીની જમીન, જંગલ વિસ્તાર અને આદિવાસી ગામડાઓની વચ્ચે આવેલો છે.

ઇતિહાસ

આ મહેલનું બાંધકામ પાલનપુરના ૨૯મા નવાબ તાલે મહમદ ખાને ૧૯૨૨ થી ૧૯૩૬ દરમિયાન કરાવ્યું હતું. આ મહેલનું બાંધકામ કુલ ૫૪૨ ચોરસ કિલોમીટરના વિસ્તારમાં કરવામાં આવેલ છે.

બાલારામ પેલેસ હોટેલ

બાલારામ નદીમાંથી દેખાતો બાલારામ પેલેસ

બાલારામ પેલેસ

બાલારામ પેલેસ રીસોર્ટમાં હોટેલની પણ સુવિધા છે જેનું ખાનગી રીતે સંચાલન કરવામાં આવે છે. તેમાં ચાર ગોલ્ડ રૂમ, બાર પ્લેટિનમ રૂમ અને એક નવાબી સ્યુટ એમ ત્રણ પ્રકારના રહેવાના ઓરડાઓની વ્યવસ્થા પણ છે. ઉપરાંત, ૭૦ જેટલા વ્યક્તિઓ બેસી શકે તેવો સભા ખંડ પણ આવેલો છે.

બાહ્ય કડીઓ

• બાલારામ પેલેસની વેબસાઇટ
• બનાસકાંઠા જિલ્લાની વેબસાઈટ પર સત્તાવાર માહિતી