મિર્ઝા બદી-ઉઝ-ઝમાન સફવી

બદીઉજ્જમાન સફવી શાહનવાઝ ખાન (અવસાન: 1659), મિર્ઝા દક્કન તરીકે પણ જાણીતા, ઈરાન (પર્શિયા)ના સફવી રાજવંશના શહેઝાદા અને શાહજહાંનાં શાસનકાળ દરમ્યાન મુઘલ દરબારમાં એક શક્તિશાળી અમીર હતા. તેઓ ઔરંગઝેબ આલમગીર અને તેમના નાના ભાઈ શહેઝાદા મુરાદ બક્ષના શ્વસુર પણ હતા.

શાહનવાઝ ખાન
સફવી સામ્રાજ્યના શહેઝાદા
મૃત્યુ	14 માર્ચ , 1659 અજમેર, રાજસ્થાન, હિન્દુસ્તાન
અંતિમ સંસ્કાર	અજમેર શરીફ, અજમેર
જીવનસાથી	નૌરસ બાનો બેગમ
વંશજ	દિલરાસ બાનો બેગમ સકીના બાનો બેગમ મિર્ઝા મુહંમદ અહેસાન સફવી મિર્ઝા મુઆઝમ સફવી ત્રણ અન્ય દીકરીઓ
નામો બદી-ઉઝ-ઝમાન સફવી
રાજવંશ	સફવી રાજવંશ
પિતા	મિર્ઝા રુસ્તમ સફવી
ધર્મ	શીયા ઇસ્લામ

શરૂઆતનું જીવન

શાહનવાઝ ખાનના પિતા મિર્ઝા રુસ્તમ સફવી હતા. તેમના પરદાદા એસ્માઇલ સફવી હતા, જેમણે ઈરાનમાં સફવી સામ્રાજ્યની બુનિયાદ રાખી.

અંગત જીવન

શાહનવાઝ ખાનના લગ્ન નૌરસ બાનો બેગમ સાથે થયા, જે મિર્ઝા મુહંમદ શરીફની દીકરી હતી. શાહનવાઝ ખાનના બે દીકરાઓ અને પાંચ દીકરીઓ હતા. એક દીકરી દિલરસ બાનો બેગમના લગ્ન 1637માં ઔરંગઝેબ આલમગીર સાથે થયા જ્યારે બીજી દીકરી સકીના બાનો બેગમના લગ્ન 1638માં મુરાદ બક્ષ સાથે થયા હતા.

મુઘલ દરબારમાં

શાહનવાઝ ખાનને શાહજહાં દ્વારા ગુજરાતના સૂબેદાર તરીકે નિયુક્ત થયા હતા. આ ઉપરાંત, તેઓને શહેઝાદા મુરાદ બક્ષના આતાલીક તરીકે પણ નિયુક્ત થયા હતા. તે વખત શાહજહાં દક્કનમાં રહેતા હતા.

1658માં તખ્તમાટેના યુધ્ધ દરમ્યાન શાહનવાઝ ખાને ઔરંગઝેબને ઠેકાણે દારાશિકોહની હિમાયત કરી હતી, તેને કારણે 1658માં ઔરંગઝેબના હુકમ પર તેઓ બુરહાનપુર કિલ્લામાં કેદ કરવામાં આવ્યા. સાત મહિનાઓ પછી શાહનવાઝ ખાનને રિહાઈ મળી હતી. તે પછી ઔરંગઝેબની દીકરી, ઝૈબ-ઉન-નિસાની સિફારિશ પર શાહનવાઝ ફરીથી ગુજરાતના સૂબેદાર તરીકે નિયુક્ત થયા હતા.

અવસાન

14 માર્ચ 1659ના રોજ શાહનવાઝ ખાનનું અવસાન થયું હતું. ઔરંગઝેબ આલમગીરના હુકમ પર તેઓ અજમેર દરગાહમાં દફન કરવામાં આવ્યા હતા.