રૂબિન ડેવિડ

રૂબિન ડેવિડ ‍(૧૯ સપ્ટેમ્બર ૧૯૧૨ - ૨૪ માર્ચ ૧૯૮૯) એ ભારતીય પ્રાણીવિદ્દ અને કાંકરિયા તળાવ, અમદાવાદના કિનારે આવેલા પ્રાણી સંગ્રહાલય તેમ જ બાલવાટિકાના સ્થાપક હતા.

રૂબિન ડેવિડ
જન્મની વિગત	૧૯ સપ્ટેમ્બર ૧૯૧૨ અમદાવાદ
મૃત્યુ	૨૪ માર્ચ ૧૯૮૯ અમદાવાદ
રાષ્ટ્રીયતા	ભારતીય
વ્યવસાય	પ્રાણીવિદ્દ
પ્રખ્યાત કાર્ય	કાંકરિયા પ્રાણી સંગ્રહાલય, બાલવાટિકા
જીવનસાથી	સારાહ ડેવિડ
સંતાનો	એસ્થર ડેવિડ
પુરસ્કારો	પદ્મશ્રી (૧૯૭૫)

તેઓ પશુપંખી પ્રેમી એવા પર્યાવરણવિદ્ હતા. ઈ. સ. ૧૯૭૫માં કાંકરિયા પ્રાણીસંગ્રહાલય ખાતે કરેલ યોગદાન બદલ તેમને પદ્મશ્રી પુરસ્કાર એનાયત કરવામાં આવ્યો હતો. એમણે નિવૃત્ત થયા પછી પણ એમના પૂર્ણ સમયની સેવાનો લાભ સંગ્રહાલયને આપ્યો હતો. એમનાં પત્ની સારાહ શિક્ષક હતાં તેમ જ એમનાં પુત્રી એસ્થર ડેવિડ ગુજરાતી સાહિત્યકાર છે.

તેઓએ કેટલાંક જંગલી પ્રાણીઓને પકડ્યાં પણ હતાં. તેઓ આ પ્રકારનાં બચાવ-કાર્ય દરમ્યાન બેભાન કરવાની દવા કે ઇંજેક્શન આપવાનું પણ ટાળતા. તેઓ વધારે વય હોવા છતાં પ્રાણીઓ સાથેના સતત સહવાસના કારણે ગળાના કેન્સરનો ભોગ બન્યા હતા અને અંતે એમનું ૨૪ માર્ચ, ૧૯૮૯ના રોજ અવસાન થયું હતું.

પુસ્તકો

• માધવ રામાનુજ (૧૯૯૦). પિંજરની આરપાર. - રૂબિન ડેવિડનું જીવનવૃત્તાંત.