વણારશી વાવ

વણારશી વાવ એ ભારતના ગુજરાત રાજ્યના ભાવનગર જિલ્લાના ઘોઘા તાલુકાના વાવડી ગામ પાસે આવેલ એક વાવ છે. ૧૯૦૨માં બંધાયેલ આ વાવનો ૨૦૧૯માં જીર્ણોદ્ધાર કરવામાં આવ્યો હતો.

વણારશી વાવ
સામાન્ય માહિતી
નગર અથવા શહેર	વાવડી, ઘોઘા તાલુકો, ભાવનગર જિલ્લો, ગુજરાત
દેશ	ભારત
અક્ષાંશ-રેખાંશ	21.543883°N 72.124233°E / 21.543883; 72.124233
પૂર્ણ	૧૯૦૨
રચના અને બાંધકામ
સ્થપતિ	સ્થાનિક

ઈતિહાસ

વાવમાં નીચેનો શિલાલેખ છેઃ

શ્રી ૧ા
આ વણારશી વાવ શ્રી ભાવનગરના રહીશ કપોળ જ્ઞાતીના વણીક મુંજા અમરાવાળા સ્વર્ગવાશી શા. વણારશી જાદવજીના પુણ્યાર્થે તેમના પુત્રો ભાઈ મગનલાલ અને પરમાણંદદાસે વાવડી દરબાર શ્રી દેવાણી નથુભાઈ ગોદડભાઈના વખતમાં સંવત ૧૯૫૮ના ફાગણ વદી ૫ને શનિવારે ગળાવીને બંધાવી છે.
સને ૧૯૦૨.

૨૦૧૮માં ભાવનગર-વેરાવળ ધોરીમાર્ગના નિર્માણ માટે તેને પૂરી દેવાની દરખાસ્ત કરવામાં આવી હતી. દોઢ વર્ષ સુધી ગામલોકોના વિરોધને પગલે તેને બચાવી લેવામાં આવી અને તેના પર એક પુલ બાંધી રસ્તો બનાવવામાં આવ્યો. જીર્ણોદ્ધાર બાદ ૧૯ મે ૨૦૧૯ રવિવારના રોજ ભાવનગર રાજ્યના રાજવી વિજયરાજસિંહ ગોહિલ દ્વારા તેનું લોકાર્પણ કરવામાં આવ્યું હતું.

સ્થાપત્ય

વાવ પૂર્વ-પશ્ચિમ દિશામાં બાંધવામાં આવી છે: પ્રવેશદ્વાર પશ્ચિમમાં છે જ્યારે કૂવો પૂર્વમાં છે. તેમાં કોતરણીઓ અને કમાનો છે.

દૃશ્યો

• 
  અંદરથી વાવ
• 
  વાવ શરૂઆતના પગથીયેથી
• 
  કમાનો