ઝવેરચંદ મેઘાણી પુરસ્કાર

ઝવેરચંદ મેઘાણી પુરસ્કાર અથવા ઝવેરચંદ મેઘાણી લોકસાહિત્ય પુરસ્કાર એ ગુજરાતી લોકસાહિત્યમાં ઉલ્લેખનીય કાર્ય માટે અપાતો પુરસ્કાર છે. તેની સ્થાપના ઝવેરચંદ મેઘાણી લોક સાહિત્ય કેન્દ્ર, સૌરાષ્ટ્ર વિશ્વ વિદ્યાલય, રાજકોટ દ્વારા કરવામાં આવી હતી. આ પુરસ્કારનું નામ ગુજરાતી કવિ ઝવેરચંદ મેઘાણી પરથી તેમનાં માનમાં અપાયું છે.

ઝવેરચંદ મેઘાણી પુરસ્કાર
વર્ણન	ગુજરાતી લોકસાહિત્યમાં ઉલ્લેખનીય કાર્ય માટે અપાતો પુરસ્કાર
સ્થાન	રાજકોટ
રજૂકર્તા	ઝવેરચંદ મેઘાણી લોક સાહિત્ય કેન્દ્ર, સૌરાષ્ટ્ર વિશ્વ વિદ્યાલય
ઇનામી રકમ	₹ ૧,૦૦,૦૦૦
પ્રથમ વિજેતા	૨૦૧૨
છેલ્લા વિજેતા	૨૦૧૮
હાલમાં	જયાનંદ જોષી

ગુજરાતી લોકસાહિત્યમાં ઉલ્લેખનીય કાર્ય કે યોગદાન માટે વિજેતાને ₹ ૧,૦૦,૦૦૦ ની રકમ અને પ્રશસ્તિપત્રક આ પુરસ્કારમાં આપવામાં આવે છે.

વિજેતાઓ

ઝવેરચંદ મેઘાણી પુરસ્કાર દર વર્ષે ૨૦૧૨થી આપવામાં આવે છે. વિજેતાઓની યાદી નીચે મુજબ છે:

વર્ષ	વિજેતા
૨૦૧૨	ભગવાનદાસ પટેલ
૨૦૧૩	હસુ યાજ્ઞિક
૨૦૧૪	શાંતિભાઇ આચાર્ય
૨૦૧૫	જોરાવરસિંહ જાદવ
૨૦૧૬	શિવદાન ગઢવી
૨૦૧૭	બળવંત જાની
૨૦૧૮	જયાનંદ જોષી

આ પણ જુઓ

• ઝવેરચંદ મેઘાણી