સૈયદ ઉસ્માન મસ્જીદ

સૈયદ ઉસ્માન મસ્જીદ અથવા ઉસ્માનપુરા દરગાહ એ રોઝા અથવા સૈયદ ઉસ્માન મસ્જીદ મકબરો એ ભારતના ગુજરાત રાજ્યના અમદાવાદ શહેરના ઉસ્માનપુરામાં આવેલી એક મધ્યયુગીન કબર અને મસ્જિદ છે

સૈયદ ઉસ્માન મસ્જીદ અને મકબરો
સૈયદ ઉસ્માન મસ્જીદ, ૧૮૬૬
ધર્મ
જોડાણ	ઇસ્લામ
જિલ્લો	અમદાવાદ જિલ્લો
સ્થિતિ	સક્રીય
સ્થાન
સ્થાન	અમદાવાદ
નગરપાલિકા	અમદાવાદ મ્યુનિસિપલ કોર્પોરેશન
રાજ્ય	ગુજરાત
ગુજરાતમાં સ્થાન
અક્ષાંશ-રેખાંશ	23.0480301°N 72.5694835°E / 23.0480301; 72.5694835
સ્થાપત્ય
સ્થાપત્ય પ્રકાર	મસ્જીદ અને મકબરો
સ્થાપત્ય શૈલી	ઈન્ડો ઈસ્લામિક સ્થાપત્ય
આર્થિક સહાય	મહમદ બેગડો
પૂર્ણ તારીખ	૧૪૬૦

ઇતિહાસ

સૈયદ ઉસ્માન, કુતુબુલ આલમના મંત્રી હતા, જેમને સૈયદ બુરહાનુદ્દીન પણ કહેવામાં આવે છે. તેમણે ઉસ્માનપુરા ગામની સ્થાપના કરી, જે હવે અમદાવાદનો એક ભાગ છે. ઈ.સ. ૧૪૫૮ માં તેમનું અવસાન થયું અને ૧૪૬૦માં મહમદ બેગડાએ તેમને સમર્પિત સમાધિનું નિર્માણ કરાવ્યું હતું. તે સ્થાપત્યની રીતે સરખેજ રોઝા ખાતેની ગંજ બક્ષ સમાધિ જેવું જ છે.

૨૦૦૧ ના ગુજરાતના ભૂકંપમાં મસ્જિદને ભારે નુકસાન થયું હતું પરંતુ તેને ભારતીય પુરાતત્ત્વીય સર્વેક્ષણ દ્વારા ૨૦૦૯માં પુનઃસ્થાપિત કરવામાં આવ્યું હતું.

સ્થાપત્ય

દરેક છેડે મીનારા ધરાવતી આ મસ્જિદ સરખેજ રોઝાની શૈલીમાં બંધાવાયેલી છે. એક કમાનને બાદ કરતા આ મસ્જીદ હિંદુ સ્થાપત્ય શૈલીમાં બનેલી છે. અંદરની બાજુએ, થાંભલાઓની ગોઠવણી, સરખેજ જેટલી સરળ અથવા સ્પષ્ટ નથી. રોઝાની એક ખાસિયત એ છે કે તેનો ગુંબજ આઠ સ્તંભોને બદલે બાર પર ઊભો છે. આ પરિવર્તન ઘણી વિવિધતા આપે છે અને આ કબર અમદાવાદની સ્તંભિક શૈલીમાં કરવામાં આવેલી સૌથી સફળ રચના છે.

ચિત્રો

• 
  મસ્જિદનો ઉત્તર ભાગ
• 
  ઉત્તર તરફથી દેખાવ
• 
  મસ્જિદનો આંતરિક ભાગ