જુલાઇ ૨૨

૨૨ જુલાઇનો દિવસ ગ્રેગોરીયન પંચાંગ મુજબ વર્ષનો ૨૦૩મો (લિપ વર્ષ દરમ્યાન ૨૦૪મો) દિવસ છે. આ દિવસ પછી વર્ષ પુરું થવામાં ૧૬૨ દિવસ બાકી રહે છે.

મહત્વની ઘટનાઓ

• ૧૫૯૮ – વિલિયમ શેક્સપિયરનું નાટક ધ મર્ચન્ટ ઓફ વેનિસ સ્ટેશનર્સ રજિસ્ટરમાં દાખલ કરવામાં આવ્યું. મહારાણી એલિઝાબેથના હુકમનામા અનુસાર સ્ટેશનર્સ રજિસ્ટર લાઇસન્સ અંતર્ગત છાપેલી કૃતિઓ તેમજ તમામ પ્રકાશિત સામગ્રી પર તાજ ચુસ્ત નિયંત્રણ ધરાવે છે.
• ૧૭૯૩ – એલેક્ઝાન્ડર મેકેન્ઝી ઉત્તર અમેરિકા આંતર મહાદ્વીપ પસાર કરી પેસિફિક મહાસાગરમાં પહોંચનાર પ્રથમ વ્યક્તિ બન્યા.
• ૧૯૩૩ – 'વિલી પોસ્ટ' (Wiley Post), એકલ ઉડાન દ્વારા વિશ્વનું સંપૂર્ણ ચક્કર લગાવનાર પ્રથમ વ્યક્તિ બન્યા. આ ઉડાન દરમિયાન તેમણે ૭ દિવસ, ૧૮ કલાક અને ૪૫ મીનીટમાં, ૧૫,૫૯૬ માઇલનું અંતર કાપ્યું હતું.
• ૧૯૪૭ – ભારતીય રાષ્ટ્રધ્વજને બંધારણ સભા દ્વારા સત્તાવાર રીતે અપનાવવામાં આવ્યો.
• ૨૦૧૦ – મુથૈયા મુરલીધરન ટેસ્ટ ક્રિકેટમાં ૮૦૦ વિકેટ ઝડપનાર એકમાત્ર બોલર બન્યા.

જન્મ

• ૧૮૬૮ – મનુભાઇ મહેતા, વડોદરા રાજ્યના દિવાન (અ. ૧૯૪૬)
• ૧૯૧૫ – શાઇસ્તા સુહરાવર્દી ઇકરામુલ્લાહ, બંગાળના પાકિસ્તાની રાજકારણી, રાજદ્વારી અને લેખક (અ. ૨૦૦૦)
• ૧૯૨૩ – મુકેશ, હિન્દી ફિલ્મોના ભારતીય પાર્શ્વગાયક (અ. ૧૯૭૬)
• ૧૯૩૬ – અશ્વિની ભટ્ટ, ગુજરાતી ભાષાના નવલકથાકાર અને અનુવાદક (અ. ૨૦૧૨)
• ૧૯૯૮ – ધ્વનિ ભાનુશાલી, ભારતીય ગાયક

અવસાન

• ૧૯૧૮ – ઇન્દ્ર લાલ રોય, ભારતીય લેફ્ટનન્ટ અને પ્રથમ ભારતીય ફાઇટર એરક્રાફ્ટ પાઇલટ (જ. ૧૮૯૮)
• ૧૯૮૦ – અરવિંદ પંડ્યા, ગુજરાતી ચલચિત્રોના ચરિત્ર અભિનેતા (જ. ૧૯૨૩)

તહેવારો અને ઉજવણીઓ

• વિશ્વ મસ્તિષ્ક દિવસ

• રાષ્ટ્રીય ઝંડા અંગીકરણ દિવસ

બાહ્ય કડીઓ

• બી.બી.સી.(BBC): આજનો દિવસ

---