મે ૧૦

૧૦ મે'નો દિવસ ગ્રેગોરીયન પંચાંગ મુજબ વર્ષનો ૧૩૦મો (લિપ વર્ષ દરમ્યાન ૧૩૧મો) દિવસ છે. આ દિવસ પછી વર્ષ પુરું થવામાં ૨૩૫ દિવસ બાકી રહે છે.

મહત્વની ઘટનાઓ

૧૭૭૩ – ગ્રેટ બ્રિટનની સંસદ ‘ટી એક્ટ’ (ચાનો કાયદો) પસાર કરે છે, જે બ્રિટિશ ઇસ્ટ ઇન્ડિયા કંપનીને તેની ચા પરના કરમાં ઘટાડો કરીને તેને સીધી ઉત્તર અમેરિકાને ]વેચવાનો અધિકાર આપે છે. આ કાયદો બોસ્ટન ટી પાર્ટી તરફ દોરી જાય છે.
૧૮૫૭ – સિપાહીઓએ મેરઠ ખાતે તેમના કમાન્ડિંગ અધિકારીઓ સામે બળવો કર્યો અને ભારતનાં પ્રથમ સ્વતંત્રતા સંગ્રામના મંડાણ થયા.
૧૮૭૨ – વિક્ટોરિયા વુડહુલ અમેરિકાના રાષ્ટ્રપતિ પદ માટે નામાંકિત પ્રથમ મહિલા બન્યા.
૧૯૦૮ – અમેરિકાનાં પશ્ચિમ વર્જિનીયાના ગ્રાફ્ટન શહેરમાં પ્રથમ વખત માતૃદિનની ઉજવણી કરાઇ.
૧૯૭૫ – સોની કંપનીએ બીટામેક્સ વિડિઓકેસેટ રેકોર્ડર (વીસીઆર) રજૂ કર્યું.
૧૯૯૪ – નેલ્સન મંડેલા (Nelson Mandela), દક્ષિણ આફ્રિકાના પ્રથમ કાળા પ્રમુખ તરીકે નિયુક્ત થયા.

જન્મ

૧૮૫૫ – યુક્તેશ્વર ગીરી, ભારતીય ક્રિયાયોગી અને જ્યોતિષ. (અ. ૧૯૩૬)
૧૮૫૬ – હરિલાલ ધ્રુવ, ભારતીય વકીલ, કવિ, સંપાદક, ભારતવિદ્યા અને સંસ્કૃત સાહિત્યના વિદ્વાન. (અ. ૧૮૯૬)
૧૯૮૧ – નમિતા કપૂર (Namitha Kapoor), અભિનેત્રી

અવસાન

૨૦૦૧ – સુધાકરરાવ નાઈક, ભારતીય રાજનેતા અને મહારાષ્ટ્રના પૂર્વ મુખ્યમંત્રી. (જ. ૧૯૩૪)
૨૦૦૨ – કૈફી આઝમી, ભારતીય ઉર્દૂ કવિ અને અભિનેત્રી શબાના આઝમીના પિતા. (જ. ૧૯૧૯)

તહેવારો અને ઉજવણીઓ

માતૃદિન (Mother's Day)

બાહ્ય કડીઓ

બી.બી.સી.(BBC): આજનો દિવસ