એસ. જયશંકર

સુબ્રહ્મણ્યમ જયશંકર (જન્મ ૯ જાન્યુઆરી ૧૯૫૫) એક ભારતીય રાજદ્વારી અને રાજકારણી છે, જેઓ ૩૦ મે ૨૦૧૯થી ભારત સરકારના વિદેશ મંત્રી છે. તેઓ ભારતીય જનતા પાર્ટીના સભ્ય છે અને ૫ જુલાઈ ૨૦૧૯થી રાજ્યસભામાં સાંસદ છે અને ગુજરાતનું પ્રતિનિધિત્વ કરે છે. તેમણે અગાઉ જાન્યુઆરી ૨૦૧૫થી જાન્યુઆરી ૨૦૧૮ સુધી વિદેશ સચિવ તરીકે સેવા આપી હતી.

એસ. જયશંકર
૩૦મા વિદેશમંત્રી
પદ પર
Assumed office ૩૦ મે ૨૦૧૯
પ્રધાન મંત્રી	નરેન્દ્ર મોદી
પુરોગામી	સુષ્મા સ્વરાજ
રાજ્ય સભાના સાંસદ
પદ પર
Assumed office ૫ જુલાઈ ૨૦૧૯
પુરોગામી	અમિત શાહ
બેઠક	ગુજરાત
૩૧મા વિદેશ સચિવ
પદ પર ૨૮ જાન્યુઆરી ૨૦૧૫ – ૨૮ જાન્યુઆરી ૨૦૧૮
પ્રધાન મંત્રી	નરેન્દ્ર મોદી
પુરોગામી	સુજાતા સિંઘ
અનુગામી	વિજય કેશવ ગોખલે
અંગત વિગતો
જન્મ	સુબ્રહ્મણ્યમ જયશંકર (1955-01-09) 9 January 1955 નવી દિલ્હી, ભારત
રાજકીય પક્ષ	ભારતીય જનતા પાર્ટી
જીવનસાથી	ક્યોકો જયશંકર
સંતાનો	3
માતૃ શિક્ષણસંસ્થા	સેંટ સ્ટીફન્સ કોલેજ, દિલ્હી (બી.એ., એમ.એ.) જવાહરલાલ નેહરૂ વિશ્વવિદ્યાલય, એમ.ફિલ., પી.એચડી.
વ્યવસાય	સનદી સેવક, રાજદ્વારી, રાજકારણી
પુરસ્કારો	પદ્મશ્રી (૨૦૧૯)

તેઓ ૧૯૭૭માં ભારતીય વિદેશ સેવામાં જોડાયા હતા અને તેમની ૩૮ વર્ષથી વધુની રાજદ્વારી કારકિર્દી દરમિયાન, તેમણે સિંગાપોરમાં હાઈકમિશનર (૨૦૦૭-૦૯) અને ઝેક રિપબ્લિકમાં રાજદૂત (૨૦૦૧-૦૪), ચીનમાં રાજદૂત (૨૦૦૯-૧૩), અને અમેરિકામાં રાજદૂત(૨૦૧૪-૧૫) સહિત ભારત અને વિદેશમાં વિવિધ ક્ષમતાઓમાં સેવા આપી હતી. જયશંકરે ભારત-યુએસ નાગરિક પરમાણુ કરારની વાટાઘાટોમાં પણ મહત્ત્વની ભૂમિકા ભજવી હતી.

નિવૃત્તિ પછી જયશંકર ટાટા સન્સમાં વૈશ્વિક કોર્પોરેટ અફેર્સના પ્રમુખ તરીકે જોડાયા. ૨૦૧૯માં તેમને ભારતના ચોથા સર્વોચ્ચ નાગરિક સન્માન પદ્મશ્રીથી નવાજવામાં આવ્યા હતા. ૩૦ મે ૨૦૧૯ના રોજ તેમણે મોદીના બીજા મંત્રીમંડળમાં કેબિનેટ મંત્રી તરીકે શપથ લીધાં. તેમને ૩૧મે ૨૦૧૯ના રોજ ભારતના વિદેશમંત્રી બનાવવામાં આવ્યા હતા. કેબિનેટ મંત્રી તરીકે વિદેશ મંત્રાલયનું નેતૃત્વ કરનાર તેઓ પ્રથમ ભૂતપૂર્વ વિદેશ સચિવ છે.