રાજકોટ રજવાડું

રાજકોટ બ્રિટીશ રાજના સમયગાળા દરમિયાન ભારતના રજવાડાંઓમાંનું એક રજવાડું હતું. બોમ્બે પ્રેસિડેન્સીની પશ્ચિમ કાઠિયાવાડ એજન્સીનું તે ૯ તોપોની સલામી ઝીલતું રાજ્ય હતું. તેની રાજધાની રાજકોટમાં હતી, જે આજી નદીના કાંઠે સૌરાષ્ટ્રના ઐતિહાસિક હાલાર પ્રદેશમાં સ્થિત છે. વર્તમાનમાં રાજકોટ ગુજરાત રાજ્યનું ચોથું સૌથી મોટું શહેર છે. આ જાડેજા વંશ શાસિત ૬ઠ્ઠું સૌથી મોટું રાજ્ય હતું.

રાજકોટ રજવાડું
રજવાડું of બ્રિટીશ ભારત
૧૬૨૦–૧૯૪૮
Flag Coat of arms
સૌરાષ્ટ્રમાં રાજકોટનું સ્થાન
વિસ્તાર
• ૧૯૩૧	730 km2 (280 sq mi)
વસ્તી
• ૧૯૩૧	75540
ઐતિહાસિક કાળ	મુઘલ યુગ, બ્રિટીશ રાજ
• સ્થાપના	૧૬૨૦
• ભારતીય સંઘમાં જોડાણ	૧૫ ફેબ્રુઆરી ૧૯૪૮
પહેલાં પછી નવાનગર રાજ્ય ભારત

રાજકોટના ઠાકોર સાહેબ લાખાજીરાજ બીજા.

રાજકોટ રજવાડાંની સ્થાપના ઇ.સ.૧૬૨૦માં વિભોજી અજોજી જાડેજાએ કરી હતી, જેઓ નવાનગરના જામ સતાજીના પૌત્ર હતા. તેમની સ્થાપના પહેલાં આ પ્રદેશ સરધાર નામના રજવાડાંનો ભાગ હતો. વર્ષ ૧૯૪૭માં ભારતના બ્રિટન થી આઝાદ થયા બાદ ૧૫ ફેબ્રુઆરી ૧૯૪૮ના રોજ કાઠિયાવાડના જાડેજા રાજ્યોની સાથે રાજકોટે પણ ભારત સંઘ સાથે વિધીવત જોડાણ કર્યું હતું.