સપ્ટેમ્બર ૧૭

૧૭ સપ્ટેમ્બરનો દિવસ ગ્રેગોરીયન પંચાંગ મુજબ વર્ષનો ૨૬૦મો (લિપ વર્ષ દરમ્યાન ૨૬૧મો) દિવસ છે. આ દિવસ પછી વર્ષ પુરું થવામાં ૧૦૫ દિવસ બાકી રહે છે.

મહત્વની ઘટનાઓ

૧૭૮૭ – ફિલાડેલ્ફિયામાં યુનાઇટેડ સ્ટેટ્સના બંધારણ પર હસ્તાક્ષર કરવામાં આવ્યા.
૧૯૪૮ – હૈદરાબાદના નિઝામનું આત્મસમર્પણ. હૈદરાબાદ રજવાડાનો ભારતીય સંઘમાં વિલય.
૧૯૭૪ – બાંગ્લાદેશ, ગ્રેનાડા અને ગિની-બિસાઉ સંયુક્ત રાષ્ટ્રમાં જોડાયા.
૧૯૯૧ – ઈસ્ટોનિયા, ઉત્તર કોરિયા, દક્ષિણ કોરિયા, લાટવિયા, લિથુઆનિયા, માર્શલ ટાપુઓ અને માઇક્રોનેશિયા સંયુક્ત રાષ્ટ્રમાં જોડાયા.
૧૯૯૧ – લિનક્સ કર્નલ (૦.૦૧)નું પ્રથમ સંસ્કરણ ઇન્ટરનેટ પર રજૂ કરવામાં આવ્યું.
૨૦૦૧ – ન્યૂયોર્ક સ્ટોક એક્સચેન્જ ૧૧ સપ્ટેમ્બરના હુમલા પછી વેપાર માટે ફરી ખુલ્યું, મહામંદી પછી ન્યૂયોર્ક સ્ટોક એક્સચેન્જ સૌથી લાંબો સમય બંધ રહ્યું.
૨૦૦૬ – અલાસ્કામાં ફોરપીક્ડ માઉન્ટેન પર જ્વાળામુખી ફાટી નીકળ્યો. આ શિખર પર ઓછામાં ઓછા ૧૦,૦૦૦ વર્ષમાં જ્વાળામુખી માટેનો પ્રથમ વિસ્ફોટ નોંધાયો.

જન્મ

૧૮૭૯ – પેરિયાર ઇ. વી. રામાસામી, (Periyar E. V. Ramasamy) ભારતીય ઉદ્યોગપતિ, સામાજિક કાર્યકર્તા અને રાજકારણી (અ. ૧૯૭૩)
૧૯૧૫ – એમ એફ હુસૈન, ભારતીય ચિત્રકાર અને દિગ્દર્શક (અ. ૨૦૧૧)
૧૯૨૯ – અનંત પઈ, (Anant Pai) ભારતીય શિક્ષણવિદ્ અને ભારતીય કોમિક્સના માર્ગ-નિર્માતા (પાયોનિયર) (અ. ૨૦૧૧)
૧૯૩૦ – લાલગુડી જયરામન, (Lalgudi Jayaraman) ભારતીય વાયોલિનવાદક અને સંગીતકાર (અ. ૨૦૧૩)
૧૯૩૭ – સીતાકાંત મહાપાત્ર, (Sitakant Mahapatra) ભારતીય કવિ અને સાહિત્ય વિવેચક
૧૯૪૫ – જોગિન્દર જસવંત સિંઘ, ભારતના ૨૨મા મુખ્ય સેનાઅધ્યક્ષ
૧૯૫૦ – નરેન્દ્ર મોદી, ભારતના ૧૫મા વડાપ્રધાન અને ગુજરાતના પૂર્વ મુખ્યમંત્રી

અવસાન

તહેવારો અને ઉજવણીઓ

મરાઠાવાડા મુક્તિસંગ્રામ દિવસ (મહારાષ્ટ્ર) (Marathwada Liberation Day)

બાહ્ય કડીઓ

બી.બી.સી.(BBC): આજનો દિવસ સંગ્રહિત ૨૦૦૬-૦૪-૧૨ ના રોજ વેબેક મશિન