ઓક્ટોબર ૩૧

૩૧ ઓક્ટોબર નો દિવસ ગ્રેગોરીયન પંચાંગ મુજબ વર્ષનો ૩૦૪મો (લિપ વર્ષ દરમ્યાન ૩૦૫મો) દિવસ છે. આ દિવસ પછી વર્ષ પુરું થવામાં ૬૧ દિવસ બાકી રહે છે.

મહત્વની ઘટનાઓ

• ૧૯૨૪ – ઇટાલીના મિલાનમાં પ્રથમ આંતરરાષ્ટ્રીય બચત બેંક કોંગ્રેસ (વર્લ્ડ સોસાયટી ઓફ સેવિંગ્સ બેન્ક)માં એસોસિયેશનના સભ્યો દ્વારા વિશ્વ બચત દિવસની જાહેરાત કરવામાં આવી.
• ૧૯૮૪ – ભારતીય વડાપ્રધાન ઈન્દિરા ગાંધીની બે શીખ સુરક્ષા ગાર્ડ દ્વારા હત્યા કરવામાં આવી.
• ૨૦૧૧ – મનુષ્યની વૈશ્વિક વસ્તી સાત અબજ સુધી પહોંચી. સંયુક્ત રાષ્ટ્ર દ્વારા આ દિવસને સાત અબજના દિવસ તરીકે માન્યતા આપવામાં આવી છે.
• ૨૦૧૮ – વડાપ્રધાન નરેન્દ્ર મોદી દ્વારા સ્ટેચ્યુ ઓફ યુનિટીનું લોકાર્પણ કરાયું.
• ૨૦૨૦ – બર્લિન બ્રાન્ડેનબર્ગ એરપોર્ટ બાંધકામની સમસ્યાઓ અને પ્રોજેક્ટના ભ્રષ્ટાચારને કારણે લગભગ ૧૦ વર્ષના વિલંબ પછી ખુલ્લું મૂકાયું.

જન્મ

• ૧૮૭૫ – વલ્લભભાઈ પટેલ, ભારતીય વકીલ, સ્વાતંત્ર્ય સેનાની અને રાજકારણી, ભારતના પ્રથમ નાયબ વડાપ્રધાન (અ. ૧૯૫૦)
• ૧૯૧૮ – રમણલાલ મહેતા, ભારતીય સંગીતકાર અને સંગીતવિજ્ઞાની (અ. ૨૦૧૪)

અવસાન

• ૧૯૨૯ – નોર્મન પ્રિચાર્ડ, ભારતીય-અંગ્રેજી એથ્લીટ (ઓલિમ્પિકમાં મેડલ જીતનાર પ્રથમ એશિયન રમતવીર) અને અભિનેતા (જ. ૧૮૭૭)
• ૧૯૭૫ – સચિન દેવ બર્મન, હિન્દી ફિલ્મોના સંગીતકાર અને ગાયક (જ. ૧૯૦૬)
• ૧૯૮૪ – ઈન્દિરા ગાંધી, ભારત દેશનાં ત્રીજા અને પ્રથમ મહિલા વડાપ્રધાન (જ. ૧૯૧૭)
• ૧૯૮૪ – મૂળશંકર ભટ્ટ, ગુજરાતી ભાષાના અનુવાદક, જીવનચરિત્ર લેખક, જીવન વિકાસ લેખક, બાળ સાહિત્ય લેખક (જ. ૧૯૦૭)
• ૨૦૦૫ – અમૃતા પ્રીતમ, પંજાબી ભાષાના અગ્રણી મહિલા કવયિત્રી, નવલકથાકાર અને નિબંધકાર (જ. ૧૯૧૯)

તહેવારો અને ઉજવણીઓ

• રાષ્ટ્રીય એકતા દિવસ (ભારત)

બાહ્ય કડીઓ

• બી.બી.સી.(BBC): આજનો દિવસ સંગ્રહિત ૨૦૨૨-૧૧-૨૨ ના રોજ વેબેક મશિન

---