બોપલ (તા. દસ્ક્રોઇ)

બોપલ ભારત દેશના પશ્ચિમ ભાગમાં આવેલા ગુજરાત રાજ્યના અમદાવાદ જિલ્લા ના દસ્ક્રોઇ તાલુકામાં આવેલું નગર છે. વર્ષ ૨૦૦૮ના નવા શહેરી સીમાંકન પછી બોપલ ગામ અમદાવાદ શહેરી વિકાસ સત્તા મંડળ (ઔડા) ની હદમાં સામેલ કરવામાં આવેલું છે. ૧૯૮૦નાં દાયકા સુધી મહદ્ અંશે ખેતી પર નભતું આ ગામ, અમદાવાદની સીમા પર આવેલું હોવાથી, ઝડપથી વિકાસ પામવા લાગ્યું અને અમદાવાદ શહેરના વિકાસમાં સામેલ થઇ ગયું.

બોપલ
बोपल/Bopal
—  વિસ્તાર  —
બોપલ સ્કાયલાઇન
બોપલ  બોપલનું ગુજરાત અને ભારતમાં સ્થાન
અક્ષાંશ-રેખાંશ	23°02′05″N 72°27′37″E
દેશ	ભારત
રાજ્ય	ગુજરાત
જિલ્લો	અમદાવાદ
સરપંચ	દિનેશભાઈ જી. ડાભી
વસ્તી	૩૭,૬૩૫ (૨૦૧૧)
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)
વિસ્તાર • ઉંચાઇ	• 28 metres (92 ft)
કોડ • પીન કોડ • ૩૮૦૦૫૮ • ફોન કોડ • +૦૨૭૧૭ • વાહન • GJ-1
વેબસાઇટ	www.bopalgrampanchayat.com

બોપલ ઘુમા નગરપાલિકા

૩૭,૬૩૫ની વસ્તી ધરાવતી બોપલ ગ્રામ પંચાયતમાં જ ઘુમા ગ્રામ પંચાયતનું વિલનીકરણ કરીને બોપલ-ઘુમા નગરપાલિકા બનાવવાનું શહેરી વિકાસ વિભાગે સૈધ્ધાંતિકપણે નક્કી કર્યું હતું. ૨૫ ફેબ્રુઆરી ૨૦૧૫ના રોજ સમાચારપત્રોમાં પ્રગટ થયેલા સમાચાર મુજબ બોપલનો વહીવટ બોપલ-ઘુમા નગરપાલિકાને હસ્તક રાખવાનું નક્કી થયું હતું. ભારતીય હિસાબી વરસ ૨૦૧૬-૧૭થી રહેવાસીઓને મળતા બીલ પર "બોપલ-ઘુમા નગરપાલીકા"નો ઉલ્લેખ કરવામાં આવ્યો હતો તેમજ કાર્યાલય પરની તકતી પણ બોપલ ગ્રામપંચાયત માંથી બદલાઈને બોપલ-ઘુમા નગરપાલીકા કરી દેવામાં આવી હતી. ૧૮ જુન ૨૦૨૦ના દિવસે ગુજરાત સરકારે બહાર પાડેલા એક જાહેરનામામાં ઉલ્લેખ થયા પ્રમાણે બોપલનો સમાવેશ અમદાવાદ શહેરમાં કરવામાં આવ્યો છે. આંબલી-બોપલ-ઘુમા ને જોડતા મુખ્ય રસ્તાથી ઉત્તર દિશાનો બોપલનો ભાગ અમદાવાદના ઉત્તર પશ્ચિમ ઝોનમાં અને એ રસ્તાથી દક્ષીણ તરફનો બોપલનો ભાગ અમદાવાદના દક્ષીણ પશ્ચિમ ઝોનમાં સમાવેશ કરવામાં આવ્યો છે.

ઉત્તર બોપલ

બોપલ તળાવ

ઔડા નિર્મિત બોપલ તળાવ અને આસપાસનો બગીચો કોરોના મહામારીને કારણે બંધ હાલતમાં

ટી.આર.પી. મોલ

સેંટ્રલ બોપલ વિસ્તારમાં આવેલ છે અને TRPનું પૂરું નામ The Retail Park છે જ્યાંથી એક પુરાણું મહાદેવનું મંદિર એકદમ નજીક આવેલ છે. ત્યાંથી સ્વામિનારાયણ મંદિર પણ નજીક થાય છે. BRTS ની સુવિધા પણ ઉપલબ્ધ છે

દક્ષિણ બોપલ

ઔડા નિર્મિત બગીચો

દક્ષિણ બોપલમાં ઔડા નિર્મિત બગીચા ખાતે લાગેલી નિર્માણ વિષેની માહિતિ આપતી તક્તિ

વસ્તી

૨૦૧૧ ની વસ્તી ગણતરી પ્રમાણે બોપલની કુલ વસ્તી ૩૭,૬૩૫ છે. પુરુષોની સંખ્યા ૧૯,૬૧૯ જ્યારે સ્ત્રીઓની સંખ્યા ૧૮,૦૧૬ છે.