મહાલ

મહાલ ભારત દેશના પશ્ચિમ ભાગમાં આવેલા ગુજરાત રાજ્યના દક્ષિણ ભાગમાં આવેલા ડુંગરાળ તેમજ જંગલ વિસ્તાર ધરાવતા ડાંગ જિલ્લાના સુબિર તાલુકામાં આવેલું ગામ છે. આ ગામ પુર્ણા નદીના કિનારા પર આવેલું છે. આ ગામમાં પ્રાથમિક શાળા અને સરકારી આશ્રમશાળાની સગવડ પ્રાપ્ય છે. આ ઉપરાંત અહીં ગુજરાત રાજ્ય વન વિભાગની કચેરી તથા કર્મચારી આવાસો પણ આવેલાં છે, આ ઉપરાંત વન વિભાગ દ્વારા અહીં પ્રાકૃતિક શિબિર કેન્દ્ર (નેચર કેમ્પ-સાઈટ) પણ ઊભું કરવામાં આવ્યું છે, જ્યાં રાત્રી-રોકાણ કરી શકાય છે. મહાલ ગામમાં ૧૦૦ ટકા આદિવાસી લોકો વસે છે. તેઓ પરસ્પર સામાન્ય વહેવારમાં ડાંગી ભાષા એટલે કે કુકણા બોલીનો ઉપયોગ કરે છે. આ ગામ જંગલોથી ભરપૂર ડુંગરાળ પ્રદેશમાં આવેલું છે.

મહાલ
—  ગામ  —
મહાલ  મહાલનું ગુજરાત અને ભારતમાં સ્થાન
અક્ષાંશ-રેખાંશ	20°45′00″N 73°41′00″E
દેશ	ભારત
રાજ્ય	ગુજરાત
જિલ્લો	ડાંગ
તાલુકો	સુબિર
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)
સગવડો	પ્રાથમિક શાળા, પંચાયતઘર
મુખ્ય વ્યવસાય	ખેતી, ખેતમજૂરી, પશુપાલન
મુખ્ય ખેત-ઉત્પાદનો	નાગલી, અડદ, વરાઇ
મુખ્ય બોલી	કુકણા બોલી

આ ગામના લોકોનો મુખ્ય વ્યવસાય ખેતી, ખેતમજૂરી તેમ જ પશુપાલન છે. આ ઉપરાંત અહીંના લોકો જંગલમાંથી મહુડાનાં ફુલ તેમ જ બી, ખાખરાનાં પાન, ટીમરુનાં પાન, સાગનાં બી, કરંજના બી જેવી ગૌણ વનપેદાશો એકઠી કરી તેને વેચીને પણ પોતાનું ગુજરાન ચલાવે છે.