સાયલા તાલુકો

સાયલા તાલુકો ભારત દેશના પશ્ચિમ ભાગમાં આવેલા ગુજરાત રાજ્યના સુરેન્દ્રનગર જિલ્લાનો તાલુકો છે. સાયલા આ તાલુકાનું મુખ્ય મથક છે.

સાયલા તાલુકો
તાલુકો
દેશ	ભારત
રાજ્ય	ગુજરાત
જિલ્લો	સુરેન્દ્રનગર
મુખ્ય મથક	સાયલા
વિસ્તાર
• કુલ	૯૭૩ km2 (૩૭૬ sq mi)
વસ્તી  (૨૦૦૧)
• કુલ	૧,૦૧,૧૬૮
• ગીચતા	૧૦૦/km2 (૨૭૦/sq mi)
સમય વિસ્તાર	UTC+૫:૩૦ (IST)

ભૂગોળ

તાલુકાનું ક્ષેત્રફળ આશરે ૯૭૩ ચો.કિમી. જેટલું છે. તેની ઉત્તરે મૂળી તાલુકો, પૂર્વમાં વઢવાણ અને લીંબડી તાલુકા, દક્ષિણે ભાવનગર અને રાજકોટ જિલ્લા તથા પશ્ચિમે ચોટીલા તાલુકો આવેલા છે. સાયલા તાલુકાનું ભૂપૃષ્ઠ સમતળ સપાટ તથા જમીનો મધ્યમ પ્રકારની કાળી છે. તાલુકાના કેટલાક ભાગોમાં ડેક્કન ટ્રેપના ખડકો જોવા મળે છે. તે કપચી માટે ઉપયોગમાં લેવાય છે. તાલુકામાંથી પસાર થતી મુખ્ય નદીઓમાં વઢવાણ-ભોગાવો, લીંબડી-ભોગાવો અને સુકભાદરનો સમાવેશ થાય છે.

આબોહવા

સાયલા તાલુકો દરિયાથી દૂર આવેલો હોઈ વિષમ પ્રકારની આબોહવા ધરાવે છે. અહીંનાં મે અને જાન્યુઆરીનાં મહત્તમ અને લઘુતમ તાપમાન અનુક્રમે ૪૨° સે. અને ૨૬° સે. તથા ૨૮° સે. અને ૧૨° સે. જેટલાં રહે છે. ઉનાળામાં ક્યારેક તે વધીને ૪૫°થી ૪૬° સે. સુધી પણ પહોંચે છે. વરસાદની સરેરાશ અંદાજે ૪૫૦ થી ૫૦૦ મિમી. જેટલી રહે છે.

વનસ્પતિ–પ્રાણીજીવન–ખેતી

સાયલા તાલુકામાં બાવળ, ગાંડો બાવળ અને છૂટાંછવાયાં ઘાસનાં બીડ જોવા મળે છે. અહીંનાં મુખ્ય પાલતુ પશુઓમાં ગાય, બળદ, ભેંસ, ઘેટાં-બકરાં, ઘોડા, ગધેડાં અને ઊંટનો સમાવેશ થાય છે; અહીં ખાસ કોઈ જંગલી પ્રાણીઓ નથી, ક્યાંક ક્યાંક શિયાળ, નોળિયા અને સાપ દેખાય છે. અહીંનાં ગાય-બળદ ગીર ઓલાદનાં છે, જ્યારે ભેંસો દેશી તેમજ જાફરાબાદી ઓલાદની છે. ઘેટાં-બકરાંની સંખ્યા વધુ છે, તેમનાંમાંથી ઊન મેળવાય છે. અહીંના લોકોનો મુખ્ય વ્યવસાય પશુપાલન અને ખેતી છે. મુખ્ય કૃષિપાકોમાં અહીં થોડા પ્રમાણમાં કપાસ, ઘઉં, કઠોળ કે તેલીબિયાં થાય છે. તાલુકાના વાગડિયા ખાતે પૉટરી આવેલી છે.

વસ્તી

૨૦૦૧ મુજબ આ તાલુકાની વસ્તી ૧,૦૧,૧૬૮ છે. પુરુષો અને સ્ત્રીઓની સંખ્યા અનુક્રમે ૫૨% અને ૪૮% છે. અહીંના ૫૦% લોકો ખેતીમાં ખેડૂતો અને ખેતમજૂરો તરીકે કામ કરે છે, કેટલાક સરકારી કે અન્ય નોકરીઓમાં તો બીજા વેપાર, ગૃહઉદ્યોગ, કુટિર-ઉદ્યોગોમાં રોકાયેલા છે. અહીં વણાટકામ, લુહારીકામ, માટીકામ, મકાનબાંધકામ જેવાં પરંપરાગત કામ પણ ચાલે છે.

સાયલા તાલુકામાં આવેલાં ગામો

સાયલા તાલુકાના ગામ અને તાલુકાનું ભૌગોલિક સ્થાન

અડાલા આયા ઇશ્વરીયા ઓરી ઓવનગઢ કંસાલા કરાડી કસવાળી કાનપુર કાશીપરા કેશરપર કોટડા ખીંટલા ગંગાજળ ગઢશીરવાનીયા ગરાંભડી ગુંદિયાવાડા ગોરૈયા ગોસલ ચરમાળિયાદાદાનું મંદિર ચીત્રલંક ચોરવીરા (ડી) ચોરવીરા (થાન) છડીયાળી નવા જશાપર જુના જશાપર ટીટોડા ડોળિયા ઢિંકવાળી ઢાંકણીયા ઢેઢુકી થોરીયાળી ધજાળા ધાંધલપુર ધમરાસળા ધારાડુંગરી નડાળા (દેવગઢ) નવાગામ નાગડકા નથુપરા નાના માત્રા નાના સાખપર નાના હરણિયા નોલી પીપળિયા બ્રહ્મપુરી (વાકી) ભાડુકા મંગળકુઇ મદારગઢ મોટા કેરાળા મોટા ભાડલા મોટા શેખપર મોરસલ રતનપર રાતડકી લાખાવડ લીંબાળા લોયા લોયાધામ વખતપર વડીયા વાંટાવચ્છ શાપર શામતપર શીરવાણિયા સોખડા સમઢીયાળા સાંગોઇ સાયલા સીતાગઢ સુદામડા નવા સુદામડા સેજકપર સોખડા સોનપરી સોરીંભડા હડાળા

બાહ્ય કડીઓ

• સાયલા તાલુકા પંચાયતની વેબસાઇટ સંગ્રહિત ૨૦૨૦-૧૧-૧૭ ના રોજ વેબેક મશિન